قازاقستاننىڭ قانداي مەملەكەتتىك ناگرادالارى بار - فوتو
وسى ورايدا egemen.kz باسىلىمى رەسپۋبليكا بويىنشا جالپى قانداي اتاق-داڭقتاردىڭ بار ەكەنى جانە ولاردىڭ كىمدەرگە بەرىلەتىنىن وقىرمان نازارىنا ۇسىنادى.
ەڭ جوعارعى مەملەكەتتىك ناگرادالار:
التىن قىران وردەنى - قازاقستان رەسپۋبليكاسىنىڭ ەڭ جوعارى دارەجەلى ەرەكشەلىك بەلگىسى بولىپ تابىلادى. «التىن قىران» وردەنىمەن ازاماتتار قازاقستان رەسپۋبليكاسىنا سىڭىرگەن مەملەكەتتىك ەرەكشە ەڭبەگى ءۇشىن ناگرادتالادى. «التىن قىران» وردەنىمەن بۇرىن قازاقستان رەسپۋبليكاسىنىڭ نەمەسە ك س ر وداعىنىڭ وردەندەرىنىڭ بىرىمەن ناگرادتالعان ازاماتتار ناگرادتالادى. قازاقستان رەسپۋبليكاسىنىڭ پرەزيدەنتى لاۋازىمى بويىنشا ايرىقشا ۇلگىدەگى «التىن قىران» وردەنىنىڭ يەگەرى بولىپ تابىلادى.
حالىق قاھارمانى اتاعى - قازاقستان رەسپۋبليكاسىنا سىڭىرگەن اسا ۇزدىك ەڭبەگى، ونىڭ بوستاندىعى مەن تاۋەلسىزدىگى جولىنداعى جاۋىنگەرلىك ەرلىكتەرى ءۇشىن بەرىلەدى. «حالىق قاھارمانى» اتاعىنا يە بولعان ادامدارعا ايرىقشا ەرەكشەلىك بەلگىسى - التىن جۇلدىز جانە «وتان وردەنى» تاپسىرىلادى.
قازاقستاننىڭ ەڭبەك ەرى اتاعى - قازاقستان رەسپۋبليكاسىن ەكونوميكالىق، الەۋمەتتىك-گۋمانيتارلىق دامىتۋداعى اسا ۇزدىك جەتىستىكتەرى ءۇشىن بەرىلەدى. «قازاقستاننىڭ ەڭبەك ەرى» اتاعىنا يە بولعان ادامدارعا ايرىقشا ەرەكشەلىك بەلگىسى - التىن جۇلدىز جانە «وتان» وردەنى تاپسىرىلادى.
مەملەكەتتىك سىيلىقتار
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى - رەسپۋبليكانىڭ ەكونوميكالىق جانە الەۋمەتتىك دامۋىن ايتارلىقتاي جەدەلدەتۋگە، قازاقستاندىق عىلىم مەن تەحنيكانىڭ الەمدەگى وزىق جەتىستىكتەر دەڭگەيىنە شىعۋىنا اكەلەتىن ىرگەلى جانە قولدانبالى زەرتتەۋلەر سالاسىنداعى اسا ۇزدىك ناتيجەلەر ءۇشىن بەرىلەدى.
قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعى
قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعى- ادەبيەت پەن ونەر سالاسىنداعى مەملەكەتتىك سىيلىق قازاقستان رەسپۋبليكاسىنىڭ ازاماتتارىنا وتاندىق مادەنيەتتى دامىتۋعا ەرەكشە باعالى ۇلەس دەپ تانىلعان ادەبيەت پەن ونەر سالاسىنداعى اسا ۇزدىك شىعارمالارى ءۇشىن بەرىلەدى.
قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىك بەيبىتشىلىك جانە پروگرەسس سىيلىعى
قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىك بەيبىتشىلىك جانە پروگرەسس سىيلىعى
«دارىن» مەملەكەتتىك جاستار سىيلىعى
29 جاسقا دەيىنگى عىلىم، شىعارماشىلىق جانە قوعامدىق قىزمەتتە بەلگىلى ءبىر جەتىستىككە جەتكەن جاستارعا تاعايىندالادى.
وردەندەر
وتان وردەنى
1993-جىلى ق ر پرەزيدەنتىنىڭ جارلىعىمەن بەلگىلەندى. بۇل وردەنمەن ازاماتتاردىڭ ەكونوميكانى، الەۋمەتتىك سالانى، عىلىم مەن مادەنيەتتى دامىتۋداعى؛ مەملەكەتتىك، قۇقىق قورعاۋ جانە اسكەري قىزمەتتەگى، دەموكراتيا مەن الەۋمەتتىك پروگرەستى دامىتۋداعى ەرەكشە ەڭبەگى ماراپاتتالادى.
داڭق وردەنى
«داڭق» وردەنىمەن قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەى مەن اسكەري قۇرامالارىنىڭ جوعارى وفيتسەرلىك قۇرامىنىڭ، سونداي-اق پروكۋراتۋرا، ۇلتتىق قاۋىپسىزدىك، ىشكى ىستەر جانە باسقا ورگاندار باسشى قۇرامىنىڭ ادامدارى اسكەرلەرگە باسشىلىق ەتۋ مەن باسقارۋداعى تابىستارى، اسكەرلەردىڭ جوعارى جاۋىنگەرلىك ازىرلىگى مەن ەلدىڭ قورعانىس قابىلەتىن قامتاماسىز ەتكەنى ءۇشىن، اسكەري، شەكارالىق جانە ىشكى قىزمەتتى ۇزدىك ۇيىمداستىرعانى ءۇشىن، ۇلتتىق قاۋىپسىزدىكتى قامتاماسىز ەتكەنى، زاڭدىلىقتى جانە قوعامدىق ءتارتىپ كۇزەتىن نىعايتقانى ءۇشىن ماراپاتتالادى.
«داڭق» وردەنىنىڭ ەكى: 1 جانە Ⅱدارەجەلەرى بولادى. 1- دارەجەلى «داڭق» وردەنى جۇلدىزدان جانە يىققا اساتىن لەنتاداعى وردەن بەلگىسىنەن تۇرادى.
ايبىن وردەنى
وردەنمەن قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرامالارىنىڭ اسكەري قىزمەتشىلەرى، سونداي-اق پروكۋراتۋرا، ۇلتتىق قاۋىپسىزدىك، ىشكى ىستەر ورگاندارىنىڭ جانە باسقالارىنىڭ قىزمەتكەرلەرى جاۋىنگەرلىك دايارلىقتا، اسكەرلەردىڭ جوعارى جاۋىنگەرلىك دايىندىق دەڭگەيىن ۇستاۋدا، زاڭدىلىق پەن قوعامدىق ءتارتىپتى قامتاماسىز ەتۋدە قول جەتكىزگەن تابىستارى ءۇشىن؛ اسكەري جانە قىزمەت بابىنداعى پارىزىن وتەۋدەگى كورسەتكەن باتىلدىعى مەن جانقيارلىعى، سونداي-اق مەملەكەت مۇددەسىن قورعاۋدا جاساعان ەرلىگى ءۇشىن ماراپاتتالادى.
«ايبىن» وردەنىنىڭ ءۇش: 1، II جانە III دارەجەلەرى بولادى.
1 جانە II دارەجەلى «ايبىن» وردەندەرىمەن كىشى جانە اعا وفيتسەرلىك قۇرامداعى ادامدار ماراپاتتالادى.
III دارەجەلى «ايبىن» وردەنىمەن سولداتتار، ماتروستار، سەرجانتتار، ستارشينالار، پراپورشيكتەر مەن ميچماندار ماراپاتتالادى.
پاراسات وردەنى
«پاراسات» وردەنىمەن عىلىم مەن مادەنيەت، ادەبيەت پەن ونەر قايراتكەرلەرى، سونداي-اق رەسپۋبليكانىڭ رۋحاني جانە ينتەلەكتۋالدىق الۋەتىن دامىتۋ مەن مولايتۋعا زور ۇلەس قوسقان نەمەسە ادام قۇقىقتارىن جانە ونىڭ الەۋمەتتىك مۇددەلەرىن قورعاۋ جونىندەگى بەلسەندى قىزمەتى ءۇشىن ازاماتتاردى ماراپاتتايدى.
دوستىق وردەنى
وردەنمەن ازاماتتار قوعامداعى ۇلتارالىق جانە ازاماتتىق تاتۋلىقتى ساقتاۋ جونىندەگى جەمىستى جۇمىسى ءۇشىن حالىقتار اراسىنداعى بەيبىتشىلىكتى، دوستىق پەن ىنتىماقتاستىقتى نىعايتۋعا سىڭىرگەن ەڭبەگى ءۇشىن ماراپاتتالادى.
قۇرمەت وردەنى
وردەنمەن ەكونوميكانى، الەۋمەتتىك سالانى، عىلىم مەن مادەنيەتتى، ءبىلىمدى دامىتۋعا ەڭبەك سىڭىرگەن قايراتكەر ازاماتتار ماراپاتتالادى. «قۇرمەت» وردەنى قازاق ويۋلارىمەن ناقىشتالعان بەس جۇلدىز پىشىندە، ونىڭ استىنان شاپاقتى ساۋلەلەر كورىنەدى، ورتاسىنداعى شەڭبەردىڭ ىشىندە گۇل جاپىراق بەينەسىندەگى ايشىقتى ورنەك، ونىڭ استىندا «قۇرمەت» اتتى جازۋى بار. وردەنمەن ازاماتتار ەكونوميكانى، الەۋمەتتىك سالانى، عىلىم مەن مادەنيەتتى، بىلىمدى دامىتۋعا سىڭىرگەن ەڭبەكتەرى ءۇشىن، مەملەكەتتىك ورگاندارداعى ۇلگىلى قىزمەتى جانە بەلسەندى قوعامدىق قىزمەتى ءۇشىن ماراپاتتالادى.
بارىس وردەنى
بۇل وردەنمەن قازاقستان رەسپۋبليكاسىنىن مەملەكەتتىگى مەن ەگەمەندىگىن نىعايتۋ ىسىنە؛ بەيبىتشىلىكتى، قوعامنىڭ توپتاسۋى مەن قازاقستان حالقىنىڭ بىرلىگىن قامتاماسىز ەتۋگە؛ مەملەكەتتىك، وندىرىستىك، عىلىمي، الەۋمەتتىك- مادەني جانە قوعامدىق قىزمەتتە؛ حالىقتار اراسىنداعى ىنتىماقتاستىقتى نىعايتۋعا؛ ۇلتتىق مادەنيەتتەردى جاقىنداستىرۋ مەن ءوزارا بايىتۋعا؛ مەملەكەتتەر اراسىنداعى دوستىق قاتىناستاردى دامىتۋعا سىڭىرگەن ەرەكشە ەڭبەگى ءۇشىن بەرىلەدى.
بۇلاردان بولەك سالالىق جانە اتاۋلى كۇندەرگە ورايلاستىرىلىپ بەرىلەتىن ماراپاتتار بار.
