قىتايدا قازاقستاندىق بال تانىستىرىلدى
كورمە ق ر تاۋەلسىزدىگىنىڭ 25 جىلدىعى قۇرمەتىنە ۇيىمداستىرىلدى. ءونىمىن سولتۇستىك قازاقستاندىق كومپانيالار دا تانىستىرادى. ءوز تاۋارلارىن وڭىرگە بەلگىلى «ءسۇت ونىمدەرى» ج ش س جانە وبلىستاعى ومارتاشىلاردىڭ ءبىرى ج ك پەلەپۋشكو ۇسىندى. تاياۋدا وتكەن كاسىپكەرلەر فورۋمىندا س ق و اكىمى ەرىك سۇلتانوۆ قىتاي س ق و ومارتاشىلارىنان بال ساتىپ الۋعا مۇددەلى ەكەنىن اتاپ وتكەن بولاتىن.
«تاياۋدا جىلىنا قۋاتى 300 مىڭ توننا ماي وڭدەيتىن زاۋىت اشىلدى. بارلىق ءونىم بىردەن قىتايعا ەكسپورتقا شىعارىلادى. ينۆەستورلار ءبىزدىڭ ءونىمدى قىتايعا ەكسپورتتاۋعا بايلانىستى اۋقىمدى اگرو ونەركاسىپتىك پارك سالۋدى جوسپارلاۋدا. ولار ەت، ءسۇت ونىمدەرىن، قايتا وڭدەلگەن استىق پەن بال ونىمدەرىن ەكسپورتتاۋ بويىنشا ەكى مينيسترلىكتىڭ ۋاعدالاستىقتارىن كۇتۋدە»، - دەدى ءوڭىر باسشىسى.
ەرىك سۇلتانوۆ كومپانيا بال وڭدەيتىن زاۋىت سالۋعا نيەتتى ەكەنىن ايتتى. ازىرگە وڭىردە شامامەن 100 توننا ەكولوگيالىق تازا جانە ساپالى ءونىم شىعارادى. س ق و كاسىپكەرلەر پالاتاسىندا كورمەدە س ق و كاسىپورىندارىنىڭ ءبىرىنىڭ ءىرى ينۆەستيتسيالىق جوباسىن تانىستىرۋ كۇتىلۋدە.
بۇل س ق و تاۋار وندىرۋشىلەرى قاتىسقان قىتايدا ءوتىپ جاتقان ەكىنشى كورمە.
