نۇرسۇلتان نازاربايەۆ قازاقستاننىڭ بولاشاعىن سۋرەتتەپ بەردى
«ءيا، وعان دەيىن ءالى 34 جىل بار. الىس سياقتى كورىنەدى. دەگەنمەن، بۇل - تاريحتىڭ قىسقا ءبىر كەزەڭى. 2050 -جىلعا دەيىن ءبىز دامىعان 30 ەلدىڭ قاتارىنا كىرەمىز. قازاقستاندا ورتا ساناتتاعى ازاماتتاردىڭ سانى باسىم بولادى. سول كەزدە شاعىن جانە ورتا بيزنەس ىشكى جالپى ءونىمنىڭ 50 پايىزىن قامتاماسىز ەتەدى. ول ءۇشىن بۇگىندە ۇلت جوسپارى اياسىندا ءتيىستى جاعدايلار جاسالىپ جاتىر. ۇلتتىق ەكونوميكا ەڭبەك ونىمدىلىگىنىڭ ءوسۋى ارقاسىندا دامي تۇسەدى. ونىڭ كورسەتكىشى بەس ەسەگە ارتىپ، ءبىر ادامعا شاققاندا، 120 مىڭ دوللارعا وسەتىن بولادى. ءبىز يننوۆاتسيالىق دامۋ مودەلىنە كوشەمىز. يندۋستريالدى- يننوۆاتسيالىق دامۋ باعدارلاسىنىڭ قازىرگى بەسجىلدىعى اياسىندا 300 دەن استام جاڭا يننوۆاتسيالىق كاسىپورىن سالىنادى. 2050 -جىلعا دەيىن 2 ميلليونعا جۋىق تۇراقتى جۇمىس ورىندارى اشىلادى. وسى ورايدا، جالپىعا بىردەي كاسىبي ءبىلىم بەرۋ باعدارلاماسىنىڭ ءرولى زور. شامامەن، 1 ميلليون ادام جۇمىسشى ماماندىقتارىمەن قامتىلادى. مەكتەپتى بىتىرگەن ءاربىر تۇلەكتى مەملەكەتتىڭ ەسەبىنەن وقىتىپ، ناقتى ءبىر ماماندىق بەرەتىن بولامىز»، - دەدى ن. نازاربايەۆ.
بۇدان بولەك، عىلىمي جۇمىستارعا بولىنەتىن اقشانىڭ كولەمى ارتادى. وتاندىق ەكونوميكاعا شەتەلدىك ينۆەستيتسيالار كوپتەپ تارتىلادى. «وسى ايتىلعاننىڭ بارلىعى «ۋتوپيا» ەمەس. ءبىز 2030 باعدارلاماسىن قابىلداعاندا «ۋتوپيا» دەپ ەدىك. الايدا ونى ەكى ەسە جىلدام، ونى بەس جىلدىڭ ىشىندە ىسكە اسىرا بىلدىك. الداعى ۋاقىتتا ءبىز الەم ەلدەرى سياقتى ۋربانيزاتسياعا قاراي جۇرەتىن بولامىز. بۇل دەگەنىمىز، 2050 -جىلعا قاراي قالا حالقىنىڭ سانى 70 پايىزعا ارتادى. وسىعان بايلانىستى 380 ميلليون شارشى مەتر تۇرعىن ۇيلەر سالىنادى. قالا مەن اۋىلدى ساپالى جولدار بايلانىستىراتىن بولادى. بولاشاقتا ءبىز ترانزيتتىك مەملەكەتكە اينالۋىمىز قاجەت»، - دەپ اتاپ كورسەتتى پرەزيدەنت.
ن. نازاربايەۆتىڭ ويىنشا، 34 جىلدان كەيىن قازاقستاندىقتاردىڭ ءومىر ءسۇرۋ ۇزاقتىعى 82 جاسقا جەتىپ، حالىقتىڭ سانى 25 ميلليونعا جەتەدى. ال استانا ەۋرازيالىق مەگاپوليسكە اينالادى. ونىڭ تۇرعىندارى 3 ميلليوننان اسادى.
اۆتور: ارمان اسقاروۆ
