قازاقتىڭ تويى تۋرالى ازىلگە تولى بەينەبايان شىقتى - كەسكىن

الماتى. قازاقپارات - ق ر تۇڭعىش پرەزيدەنتى ەلباسى قورى قازاقتىڭ تويىندا تۇسىرىلگەن بەينەروليكتى جاريا ەتتى، دەپ حابارلايدى «قازاقپارات» ءتىلشىسى.

روليك اۆتورلارى قازاقتىڭ تويى تۋرالى ءازىل كليپ تۇسىرگەن. روليكتە جاس جۇبايلار تەك جاقىندارىن عانا تويعا شاقىرۋدى وتىنسە، اتا-اناسى ەلىمىزدىڭ تۇكپىر- تۇكپىرىنەن اعايىندارىن شاقىرىپ جاتقانى ءساتى بەرىلگەن. بەينەبايانعا ەلىمىزگە تانىمال ادامدار تۇسكەن.

ولار: ساياساتكەر عاني قاسىموۆ، ءانشى قايرات نۇرتاس، Ninety One توبى مەن ءازىل- سىقاق اكتەرلەرى قاتىسقان. بەينەروليكتە شىنايى ومىردەگى وقيعالاردى قالجىڭعا سۇيەي وتىرىپ كورسەتكەن. مىسالى، تويعا شاقىرىلعان ۋاقىتىندا بارعان شەت ەلدىكتەر مەيرامحاناعا ءالى ەشكىم كەلمەگەنىن كورەدى. روليك سوڭىندا تويدىڭ باس كەيىپكەرى ءجيى باس قوسىپ تۇرۋ كەرەك دەگەن وي ءتۇيىنىن جەتكىزەدى. «ءبىز ەجەلدەن تويقۇمار ەلمىز، وسىنشاما ۇلان- اسىر توي جاساۋدىڭ نەگە قاجەت بولعانىن ەندى ءتۇسىندىم. بىزگە ەل بولىپ، اۋلەت بولىپ ءجيى باس قوسىپ تۇرۋ قاجەت ەكەن. ءيا، ءبىز وسىندايمىز، بۇل عاجاپ قوي. قىسقاسىن ايتقاندا، مۇنىڭ ءبارى ماعان ۇنايدى. باقىتتى بول، قازاق ەلى»، - دەيدى ءسوزدى تۇيىندەگەن كۇيەۋ بالا.



اۆتور: الماس مۇقاش ۇلى