شىنجاڭنىڭ «ىلە قازاق وبلىستىق فيلارمونياسى» استانا ساحناسىندا- فوتو
شارانى استاناداعى «مۇرات جولى» مادەني- قوعامدىق بىرلەستىگى قازاقستانداعى ق ح ر ەلشىلىگىنىڭ قولداۋىمەن ۇيىمداستىردى. ءار ۇلت وكىلدەرىنەن قۇرالعان ونەرپازدار استانالىق كورەرمەندەرگە اسەم اۋەن، ءتاتتى كۇي، تارتىمدى بيلەر تارتۋ ەتتى.
«بۇگىنگى كەشتەن العان اسەرىم كەرەمەت بولدى. ەرەكشە قىزىقتى، حالىق جاقسى قابىلدادى. بۇل - شىنجاڭدا تۇراتىن ءار ۇلت وكىلدەرىنىڭ مادەنيەتىنىڭ، ىنتىماعىنىڭ كورىنىسى. بۇنداي مادەني شارالار قازاقستان، مەن قىتايدىڭ، سونداي- اق جىبەك جولى بويىنداعى بارلىق ەلدەردىڭ مادەنيەت الماسۋىنا، دوستىق قارىم- قاتىناستارىنىڭ نىعايۋىنا وڭ اسەر ەتەدى دەپ بىلەمىن. بۇدان كەيىن ءبىزدىڭ ەلشىلىك وسىنداي شارالاردى ءجيى ۇيىمداستىرىپ تۇرۋعا تىرىسادى» ، - دەيدى قازاقستانداعى ق ح ر ەلشىلىگىنىڭ ساياسي كەڭەسشىسى ليۋ جيانپين.
«بيىل - قازاق ەلىنىڭ تاۋەلسىزدىگىنە 25 جىل. ەلىمىزدىڭ تۇكپىر- تۇكپىرىندە ءار ءتۇرلى اۋقىمدى شارالار ءوتىپ جاتىر. وسى مەرەيلى مەرەكەنىڭ سالتاناتىنا ءسان قوسۋ ماقساتىندا «ىلە قازاق وبلىستىق فيلارمونياسىن» شاقىرىپ كونسەرت بەرۋگە ۇسىنىس ەتتىك. كەشتىڭ ماقساتى - ەكى ەلدىڭ مادەني بايلانىسىن نىعايتۋ، ەل مەن ەلدىڭ اراسىن جاقىنداتۋ. بۇل - دوستىقتىڭ، تاتۋلىقتىڭ كونسەرتى. عاسىرعا جالعاسقان سىيلاستىقتىڭ بەلگىسى دەپ بىلەمىن. ءبىزدىڭ قوعامدىق بىرلەستىكتىڭ نەگىزگى ۇستانىمى - ەكى ەلدىڭ مادەني دوستىق بايلانىستارىنا مۇرىندىق بولۋ. ەكى ەل پرەزيدەنتتەرىنىڭ جولعا قويعان ديپلوماتيالىق قارىم- قاتىناستارىنا وزىندىك ۇلەسىمىزدى قوسۋ. ونەردە شەكارا بولمايدى، اسەم اۋەنگە، توگىلگەن كۇيگە، ادەمى بيگە اۋدارماشىنىڭ قاجەتى جوق. وزگە ەلدەر مەن بولعان دوستىعىمىز جالعاسا بەرسىن. تاۋەلسىزدىگىمىز ماڭگىلىك بولسىن! مەرەكە قۇتتى بولسىن!» - دەيدى «مۇرات جولى» مادەني- قوعامدىق بىرلەستىگىنىڭ ءتوراعاسى دۋمان امان ۇلى.
اۆتور: ريزابەك نۇسىپبەك ۇلى
