اكەلىك حاقىسىن تولەمەي جۇرگەن بورىشكەر قولما-قول ءبىر ميلليون تەڭگە بەردى
وسكەمەندە بالالارىنا قارىز بولعان بورىشكەر تەمىر تۇلپارىنان ايىرىلماس ءۇشىن بۇرىنعى جۇبايىنا ميلليون تەڭگە قولما- قول اقشا تولەدى.
بۇل تۋرالى ەۆرازيا ءبىرىنشى ارناسى حابارلايدى.
ارينە، ءوز ەركىمەن ەمەس، سوت ورىنداۋشىلارىنىڭ ارقاسىندا. انىقتالعانداي، ەر ادامنىڭ رەسمي تۇراقتى جۇمىسى مەن مەكەن جايى بولماعاندىقتان، ول سوت شەشىمىن ەلەمەي، بالالارىنا اليمەنت تولەۋدەن قاشىپ جۇرگەن. دەگەنمەن، بورىشكەردىڭ جاندى جەرى - ول جاقىندا ساتىپ العان قىمبات كولىگى بولىپ شىقتى. تەمىر تۇلپاردى ىزدەپ تاپقان سوت ورىنداۋشىلارى كولىكتى تارتىپ الامىز دەگەندە، اكەسى بالالارىنىڭ بارىن ەسكە ءتۇسىرىپ، بىردەن بۇرىنعى ايەلىنە قارىزىن قايتارعان.
«ءبىزدىڭ بۇل بورىشكەرىمىز قۇيتىرقى ادام بولىپ شىقتى. بەينەكامەرانىڭ ءتۇسىرىپ جاتقانىنا قاراماستان، بىزگە ماسەلەنى باسقاشا شەشۋدى ۇسىندى. الايدا مەن قارىزدى وتەسەڭ بۇل ماسەلە شەشىلەتىنىن ءتۇسىندىردىم. بارلىق بورىشكەرلەرگە ايتاتىنىم، ەگەر دە قارىزىڭدى تولەمەسەڭ ەرتەڭ ءبىز سەنى دە تاۋىپ الامىز» - ايماقتىق جەكەمەنشىك سوت ورىنداۋشىلار پالاتاسىنىڭ جەتەكشىسى داۋرەن سارسەنبايەۆ.
