الەم بويىنشا مۇسىلمان ساياحاتشىلار ءۇشىن ەڭ تاڭداۋلى ورىن انىقتالدى

استانا. قازاقپارات - مۇسىلمان ساياحاتشىلار ءۇشىن ەڭ تاڭداۋلى ورىن رەتىندە يندونەزياداعى باتىس سۋماترا پروۆينتسياسى تانىلعان.

بۇل تۋرالى lenta.ru حابارلايدى.

بۇل ايماق ءابۋ-دابيدە وتكەن ءىس-شارا كەزىندە World Halal Tourism Awards اتالىمى بويىنشا جەڭىپ شىققان. جالپى جەڭىسكە جەتكەن 16 اتالىمنىڭ 12 سى يندونەزيا ولكەلەرىنە تيەسىلى.

«حالال» تۋريستەر ءۇشىن ەڭ ۇزدىك اۋەتاسىمالداۋشىسى بولىپ Garuda Indonesia اۋە كومپانياسى ماراپاتتالدى. سونداي- اق، اۋە كەمەلەرىن ۇشىرىپ- قوندىراتىن مەكەندەردىڭ كوشىن باندا- اچەح (سۋماترا ارالى) قالاسىنداعى ەسكەندىر مۋدا اتىنادعى اۋەجاي يەمدەنىپ وتىر.

ال مۇسىلمان ساياحاتشىلارعا ەڭ قولايلى قوناق ءۇي بۇل باليدەگى The Rhadana Kuta وتەلى ەكەن. تۋروپەراتورلار اراسىنداعى ماراپات تا باتىس سۋماتراداعى Ero Tour كومپانياسىنا بەرىلدى.

يندونەزيامەن قاتار مالايزيا، تۇركيا، جاپونيا دا جەڭىمپازدار قاتارىنا ەندى.

World Halal Tourism Awards سىيلىعى العاش رەت 2015 -جىلى تابىستالعان. ونىڭ جەڭىمپازىن حالىقارالىق ونلاين داۋىس بەرۋ قورىتىندىسىن ساراپتايتىن قازىلار القاسى تاڭدايدى. قازىلار القاسىنا حالا تۋريزم يندۋسترياسى بويىنشا ساراپشىلار كىرەدى. بيىلعى جىلى داۋىس بەرۋگە الەمنىڭ 116 ەلىنەن ەكى ميلليون ادام قاتىسقان.