وزبەكستان ۇكىمەتىن ابدۋللا اريپوۆ باسقارادى
وليي ءماجىلىستىڭ بىرلەسكەن وتىرىسىندا وزبەكستان پرەمەر- ءمينيسترى لاۋازىمىنا كانديداتۋرا بەكىتۋ ماسەلەسى قارالدى. پرەزيدەنت شاۆكات ميرزيەيەۆ پارلامەنتكە پرەمەر- مينيستر ورىنباسارى بولعان ابدۋللا نىعمەت ۇلى اريپوۆتىڭ كانديداتۋراسىن ۇسىندى.
ابدۋللا اريپوۆ تاياۋداعى جانە ۇزاق مەرزىمدى كەلەشەكتەگى مينيسترلەر كابينەتىنىڭ ءىس- قيمىلى باعدارلاماسىمەن شىقتى. ءسوز سويلەگەن وزگە دە دەپۋتاتتار مەن سەناتورلار مەملەكەت باسشىسى ۇسىنعان كانديداتۋرانى قولدايتىنىن ايتتى. سەنات پەن زاڭ شىعارۋشى پالاتا ابدۋللا اريپوۆتى وزبەكستان پرەمەر- ءمينيسترى لاۋازىمىنا تاعايىنداۋ تۋرالى قاۋلى قابىلدادى.
ابدۋللا اريپوۆ (1961 -جىلى تۋعان) 2002 - جىلدىڭ مامىر ايىنان 2012 -جىلدىڭ تامىزىنان دەيىن، 10 جىلدان استام ۋاقىت ۆيتسە- پرەمەر بولىپ قىزمەت ەتكەن. قوسىمشا 2005-2009 -جىلدارى وزبەكستان بايلانىس جانە اقپاراتتاندىرۋ اگەنتتىگىن باسقارعان. بيىلعى قىركۇيەك ايىندا ا. اريپوۆ قايتادان پرەمەر- مينيستر ورىنباسارى جانە جاستار ساياساتى، مادەنيەت، اقپاراتتىق جۇيەلەر مەن تەلەكوممۋنيكاتسيا كەشەنىنىڭ جەتەكشىسى بولىپ تاعايىندالدى.
