قازاقستاننىڭ بوكستا جەڭىلمەگەن نوكاۋتشىسىنا الماتىدا وتا جاسالدى
بۇل تۋرالى بوكسشى Vesti.kz سپورتتىق پورتالىنا بەرگەن سۇحباتىندا ايتتى.
«ءبارى ءساتتى ءوتتى. وپەراتسيا 40 مينۋت بولدى. ءۇش اپتادان كەيىن تەمىر شاباقتاردى الىپ تاستايدى. تاعى ون كۇن وتكەن سوڭ جاتتىعا باستايمىن. ءبارى دۇرىس»، - دەيدى بوكسشى.
ەسكە سالايىق، قازاقستاندىق بوكسشى كاسىپقوي رينگتەگى بەسىنشى جەكپە-جەگىن قولىنداعى جاراقاتىمەن وتكىزدى. ونىڭ ايتۋىنشا، باس بارماعى سىنباعاندا بەلارۋس بوكسشىسى ۆلاديمير حاركيەۆيچپەن جەكپە-جەك ءۇش راۋندتان اسپايتىن ەدى. دەگەنمەن، وسىنداي كۇيدە دە احمەدوۆ جەكپە-جەكتى بەسىنشى راۋندتا كاسىپقوي بوكستا العاش رەت ۋاقىتىنان بۇرىن اياقتاعان.
بولاشاعى ورتا سالماقتاعى قازاقستاندىق بوكسشىنىڭ كەلەسى جەكپە-جەگى 11 -ناۋرىز كۇنى لوندوندا وتەدى. ءاليدىڭ ايتۋىنشا، ونىڭ قارسىلاسى وسى سالماق دارەجەسىندەگى ۇزدىك وتىزدىققا كىرەتىن بوكسشى.
سۋرەتتەردى ءالي احمەدوۆ ۇسىندى
