ەڭ قىمبات كولىك اۋكسيونعا شىعارىلدى

استانا. قازاقپارات - اڭىزعا اينالعان 1962 -جىلعى Ferrari 250 GTO اۋكسيونعا ساتىلىمعا شىعارىلدى.

ساۋدانىڭ العاشقى باعاسى 55 ميلليون دوللاردى قۇرادى، دەپ جازادى شەتەلدىك ب ا ق. اتالعان كولىكتىڭ 1962-1964 -جىلدارى وندىرىلگەنىن اتاپ وتكەن ءجون. بۇل جىلدارى بار-جوعى 39 اۆتوكولىك شىعارىلعان. سونىمەن بىرگە، ءدال وسى مودەل الەمدەگى ەڭ قىمبات اۆتوكولىك سانالعان. 2014 -جىلى Ferrari 250 GTO ءباسساۋدادا 38 ميلليون دوللارعا ساتىلدى. بۇل ەكى كولىكتىڭ ايىرماشىلىعى كۋزوۆتىڭ تۇسىندە عانا. اتالعان مودەلدىڭ كوپشىلىگى قىزىل تۇستە وندىرىلگەن، ال كوگىلدىر ءتۇستى Ferrari وتە سيرەك كەزدەسەتىندىكتەن، باعاسى دا تىم قىمبات.

ەسكە سالا كەتسەك، Ferrari سپورت كولىكتەرىن حالىقارالىق اۆتوموبيل فەدەراتسياسىنىڭ (FIA) GT3 ساناتىنداعى رالليگە قاتىسۋ ءۇشىن وندىرىلگەن.