ءابىلحان قاستەيەۆتىڭ نەمەرەسى سۋرەتشىلەر مەن مۇسىنشىلەر بايقاۋىنىڭ جەڭىمپازى بولدى - فوتو
دەپ حابارلايدى قازاقپارات.
ءا. قاستەيەۆ اتىنداعى ق ر مەملەكەتتىك ونەر مۋزەيى مەن ق ر ۇلتتىق مۋزەيى بىرلەسە ۇيىمداستىرعان بايقاۋ اعىمداعى جىلدىڭ مامىر ايىندا باستالعان بولاتىن. قازىلار القاسىنىڭ قاتاڭ سىنىنان وتكەن ەڭ ۇزدىك تۋىندىلار استاناداعى ق ر ۇلتتىق مۋزەيىنە قويىلىپ، بايقاۋ ناتيجەلەرى شىعارىلدى. ءبىرىنشى ورىن داۋرەن قاستەيەۆكە «اقتابان شۇبىرىندى» اتتى تريپتيحى ءۇشىن بەرىلدى. ەكىنشى ورىندى نۇرعوجين مەيىرجاننىڭ «قاسىم سۇلتان ۇستاحاناعا كەلدى» كارتيناسى الدى. ءۇشىنشى ورىنعا «التىن وردا حانداعىنىڭ قۇرىلۋ قارساڭى» اتتى تۋىندىنىڭ اۆتورى جاقىپبەك اسەت لايىقتى دەپ تانىلدى.
جوبانىڭ باستى ماقساتى - قازاق حالقىنىڭ تاريحىنداعى بەيمالىم بەتتەردى كورسەتىپ، كوركەم وبرازدار تۋىنداتۋ، ەل ەسىندە قالعان تاريحي تۇلعالاردى سومداۋ. رەسپۋبليكا كولەمىن قامتىعان جوباعا كوپتەگەن سۋرەتشىلەر قىزىعۋشىلىق تانىتىپ، ەلىمىزدىڭ استانا، الماتى، تالدىقورعان، شىمكەنت، تاراز، اتىراۋ، كوكشەتاۋ، وسكەمەن، قاراعاندى، تۇركىستان سىندى ءىرى قالالارى مەن ايماقتارىنان كەسكىندەمەشىلەر مەن مۇسىنشىلەر قاتىستى. وسىلايشا كونكۋرس ناعىز حالىقتىق جوباعا اينالدى. ەكى كەزەڭنەن تۇرعان كونكۋرستىڭ العاشقىسىندا، ەسكيزدەردى ىرىكتەۋگە 90-عا جۋىق سۋرەتشى قاتىسسا، ونىڭ 67- ءسى ەكىنشى كەزەڭگە ءوتتى.
كورمەگە قويىلعان تۋىندىلار ۇلكەن فورماتتاعى، كوپ فيگۋرالى، كومپوزيتسيالىق قۇرىلىمى جاعىنان كۇردەلى، تاقىرىپتىق تراكتوۆكاسى مەن تۇستىك بوياۋ شەشىمى جاعىنان سان الۋان. وعان جاقسى مىسال رەتىندە، د. قاستەيەۆتىڭ «اقتابان شۇبىرىندى» تريپتيحى، م. نۇرعوجيننىڭ «قاسىم سۇلتان ۇستاحاناعا كەلدى»، ءا. جاقىپبەكتىڭ «التىن وردا حاندىعىنىڭ قۇرىلۋ قارساڭى»، ا. دۇزەلحانوۆتىڭ «ورازمۇحامەد كاسىم ۇلى بوريس گودۋنوۆ پاتشانىڭ قابىلداۋىندا»، ءا. ساپۋگوۆتىڭ «ورىس ەلشىسى ا. ي. تيەۆكەليەۆتىڭ ءابىلقايىر حاننىڭ ورداسىنداعى ميسسياسى»، ب. مىرزاحمەتوۆتىڭ «ءاز تاۋكە. جەتى جارعىسى»، ن. كيلىبايەۆتىڭ «ەلىم- اي»، ت. تىلەۋجانوۆتىڭ «بارلاۋ»، ق. ومارحاننىڭ «باتىر بابالار-2»، ە. كيمنىڭ «بۇلانتى شايقاسى» جانە تاعى دا باسقا كوپتەگەن قىلقالام شەبەرلەرىنىڭ كەسكىندەمەلىك شىعارمالارىن ەرەكشە اتاپ وتۋگە بولادى.
ە. ايتۋاروۆ، ر. سادىعۇلوۆ، س. ءالجان، ن. اشتەما، ءا. جانتاسوۆ، م. راحىمجانوۆ، ا. عۇباشيەۆ، جاس سۋرەتشىلەر ن. الىبەك، د. ۇسەنبايەۆ، ا. نۇرعوجايەۆ، ە. كونكۋرسقا مۇسىنشىلەر قاۋىمى دا بەلسەنە اتسالىسىپ م. ءامىرحانوۆتىڭ «ابىلاي حان»، ب. مۇحامەدجانوۆتىڭ «ۇلى جىراۋ كەتبۇعا»، ە. ماقۇلبايەۆتىڭ «شىڭقوجا باتىر»، ق. دۋلاتوۆتىڭ «ساتاي باتىر»، ب. جۋاسبايەۆتىڭ «اقان سەرى»، ب. قايرانبايدىڭ «قوجبانبەت بي» جانە تاعى باسقالارىنىڭ مۇسىندىك تۋىندىلارى كەلىپ تۇسكەن. ءتۇرلى ماتەريالداردان جاسالعان مۇسىندىك كومپوزيتسيالاردا، اۆتورلار ەل ەسىندەگى تاريحي تۇلعالاردىڭ، باتىرلاردىڭ ەرلىكتەرىنە سايكەس جيىنتىق وبرازدارىن سومداۋعا تالپىنعان.
قازاق بەينەلەۋ ونەرىنىڭ نەگىزىن سالۋشىلاردىڭ ءبىرى ءابىلحان قاستەيەۆتىڭ تۋعان نەمەرەسى - داۋرەن قاستەيەۆ
