فوربەس جۋرنالى پۋتيندى الەمنىڭ ەڭ ىقپالدى ادامى رەتىندە باعالادى
بۇل تۋرالى bbc حابارلادى.
«رەسەي پرەزيدەنتى ءوزىنىڭ ىقپالىن الەمنىڭ ءاربىر تۇكپىرىنە جەتكىزە ءبىلدى، ول وتانىنان سيرياعا، ا ق ش- تاعى پرەزيدەنتى سايلاۋىنا دەيىن كوسىلىپ جاتىر. پۋتين وزىنە قاجەتتىنىڭ ءبارىن الۋدا»، - دەپ ءتۇسىندىردى وزدەرىنىڭ شەشىمدەرىن جۋرنال وكىلدەرى.
ىقپالدى ساياساتكەرلەردىڭ كەزەگىن ترامپ جالعادى. ا ق ش- تىڭ بۇگىنگى باسشىسى باراك وباما 48 - ورىنعا جايعاسقان. ءۇشىنشى ورىندا گەرمانيا كانسلەرى انگەلا مەركەل تۇرسا، ودان كەيىنگى ورىندارعا قىتاي باسشىسى شي جينپيڭ مەن ريم پاپاسى فرانسيسك ورنالاسقان.
الەمدەگى ەڭ ىقپالدى ون ادامنىڭ قاتارىنا ا ق ش - تىڭ فەدەرالدى رەزەرۆ جۇيەسىنىڭ باسشىسى دجاننەت يەلەن، بيزنەسمەندەر بيلل گەيتس، لارري پەيدج بەن مارك سۋكەربەرگ كىرگەن. 32 جاسار سۋكەربەرگ رەيتينگتىڭ ەڭ جاس مۇشەسى. رەسەيلىكتەردەن تىزىمگە پۋتيننەن باسقا بيزنەسمەن اليشەر ۋسمانوۆ كىردى.
ول ءتۇرلى سالالار بويىنشا بيزنەسىن «دوڭگەلەتىپ» وتىرعان رەسەيدىڭ ەڭ باي ادامدارىنىڭ ءبىرى رەتىندە كوزگە ىلىككەن. وتكەن جىلى دا الەمنىڭ ەڭ ىقپالدى ادامدارىنىڭ كوشىن پۋتين باستاعان. ودان سوڭ انگەلا مەركەل مەن باراك وباما تۇردى.
