21:22, 14 - جەلتوقسان 2016 | GMT +5
ەردوعان تۇركياعا تاريحتاعى ەڭ ۇلكەن شابۋىل جاسالعانىن جاريا ەتتى
استانا. قازاقپارات - تۇركيا پرەزيدەنتى رەجەپ ەردوعان ەلگە جاسالعان تاريحتاعى ەڭ ءىرى شابۋىل تۋرالى ايتىپ بەردى، - دەپ حابارلايدى Lenta.ru.
پرەزيدەنتتىڭ سوزىنشە، تۇركياعا تەرروريستىك توپتار تاراپىنان زور قاۋىپ ءتونىپ تۇر، وسىعان بايلانىستى ەل جاۋاپتى شارالار قولدانۋى قاجەت. بۇل ءسوزدى ەردوعان جەرگىلىكتى اكىمشىلىكتەر باسشىلارىمەن كەزدەسۋىندە ايتتى. تۇركيا ءۇشىن ەڭ ءىرى قاۋىپ رەتىندە ول "د ا ي ش" (قازاقستاندا تىيىم سالىنعان) پەن كۇردىستان جۇمىسشى پارتياسىنىڭ سودىرلارىن اتادى.
10 -جەلتوقسان كەشكىسىن ىستامبۇل ورتالىعىنداعى بەشيكتاش اۋدانىندا ورنالاسقان Vodafone Arena ستاديونى ماڭىندا جارىلىس بولعان. تەرروريستەر پوليتسەيلەر مىنگەن اۆتوبۋستى نىسانعا العان ەدى. سوڭعى مالىمەتتەر بويىنشا، 44 ادام مەرت بولىپ، 155 ادام جارالانعان. تەراكت ءۇشىن جاۋاپكەرشىلىكتى "كۇردىستان جۇمىسشىلار پارتياسىنان" ءبولىنىپ شىققان "كۇردىستان بوستاندىعىنىڭ سۇڭقارلارى" ۇيىمى موينىنا الدى.
Kaz.tengrinews.kz
