ق. توقايەۆ يزرايل پرەمەر- مينيسترىمەن كەزدەستى - فوتو
مەيمانمەن كەزدەسۋدە ق. توقايەۆ ب. نەتانياحۋدىڭ مەملەكەت باسشىسى نۇرسۇلتان نازاربايەۆپەن كەلىسسوزدەرىنىڭ قورىتىندىلارى ءتۇرلى سالاداعى ەكىجاقتى ىنتىماقتاستىقتى نىعايتۋعا تىڭ سەرپىن بەرەتىنىنە سەنىم ءبىلدىردى.
ق. توقايەۆتىڭ ايتۋىنشا، قازاقستاندىق پارلامەنتشىلەر يزرايل كنەسسەتىمەن ديالوگتى نىعايتۋدى جانە ءوزارا ءىس- قيمىلدى ورىستەتۋگە سەنىم ارتادى. ءتوراعا 2008 -جىلى پارلامەنتتىك دەلەگاتسيا باسشىسى رەتىندە يەۆرەي مەملەكەتى تاۋەلسىزدىگىنىڭ 60 جىلدىعىنا وراي يزرايلگە ساپارى تۋرالى اڭگىمەلەدى.
ق. توقايەۆ قازاقستاننىڭ ساياسي جۇيەسىندەگى سەناتتىڭ رولىمەن مەيماندى تانىستىرا وتىرىپ، پرەزيدەنت ن. نازاربايەۆتىڭ باستاماسىمەن جۇرگىزىلگەن ينستيتۋتسيونالدى رەفورمالاردى زاڭنامالىق تۇرعىدا قولداۋ تۋرالى اڭگىمەلەدى. اڭگىمە بارىسىندا ساياسي، ەكونوميكالىق جانە گۋمانيتارلىق، سونداي- اق حالىقارالىق جانە ايماقتىق قاۋىپسىزدىك سالالارىنداعى وزەكتى ماسەلەلەر بويىنشا پىكىر الماسىلدى.
يزرايل ۇكىمەتىنىڭ باسشىسى استاناعا ءداستۇرلى قازاقستان- يزرايل دوستىق قاتىناستارىن جاڭا ءارى جوعارى دەڭگەيگە شىعارۋ ءۇشىن كەلگەنىن اتاپ ءوتتى. يزرايل جوعارى تەحنولوگيالارمەن بولىسۋگە جانە قازاقستانعا ينۆەستيتسيالارمەن جاردەمدەسۋگە دايىن. ب. نەتانياحۋدىڭ پىكىرىنشە، ەكى مەملەكەت ەركىن ساۋدا، تىكەلەي اۋە قاتىناستارىن قالىپتاستىرۋ جانە بىرلەسكەن بينەس- جوبالارعا جان- جاقتى كومەكتەسۋ تۋرالى ۋاعدالاسۋى كەرەك.
