فيليپپين پرەزيدەنتى ادام ولتىرگەنىن مويىندادى

ول وسىلايشا پوليتسەيلەرگە قالاي جۇمىس جاساۋ كەرەكتىگىن كورسەتكىسى كەلگەن، دەپ حابارلايدى Agence France Presse اگەنتىگى.

اگەنتتىك وسى مالىمدەمەنى دۋتەرتەنىڭ 12 -جەلتوقسان، دۇيسەنبى كۇنى بيزنەسمەندەردىڭ الدىندا سويلەگەن سوزىندە ايتقانىن اتاپ وتكەن. پرەزيدەنت ءوزىنىڭ ەسىرتكى بيزنەسىن جويۋ ناۋقانى تۋرالى اڭگىمەلەگەن. ول مەملەكەت باسشىسى رەتىندە 30 -ماۋسىم كۇنى تاعايىندالعالى بەرى پوليتسەيلەر مەن جاساقشىلار مىڭداعان ادام ولتىرگەن دەپ ايتىلۋدا.

دۋتەرتە قالا باسشىسى بولىپ تۇرعان كەزىندە ەسىرتكى ساتۋشىلاردىڭ كوزىن جويۋعا قاتىسقانىن اتاپ ءوتتى. «داۆاودا مەن مۇنى ءوزىم جاسايتىنمىن. تەك جىگىتتەرگە (پوليتسەيلەر) مەن مۇنى جاساعاندا، ولاردىڭ دا قولدارىنان كەلەتىندىگىن كورسەتكىم كەلدى»، - دەدى ول.

بۇدان بۇرىن قۇقىق قورعاۋشىلار دۋتەرتەنى داۆاوداعى ەسكادروندار، مىڭداعان كۇدىكتىلەردىڭ ءولىمىن ۇيىمداستىردى دەپ ايىپتاعان ەدى. ال ەل پرەزيدەنتى بولسا بىردە مويىنداپ، بىردە تەرىسكە شىعاردى.