نىعماتۋلين دەپۋتاتتاردى ەرتەڭگى ماڭىزدى شارالاردان قالماۋعا شاقىردى

استانا. قازاقپارات - بۇگىن ق ر پارلامەنتى ءماجىلىسىنىڭ ءتوراعاسى نۇرلان نىعماتۋلين پالاتا دەپۋتاتتارىن تاۋەلسىزدىكتىڭ 25 جىلدىعىنا ارنالعان شارالارعا بەلسەندى تۇردە قاتىسۋعا شاقىردى، دەپ حابارلايدى قازاقپارات.

«قۇرمەتتى ارىپتەستەر، بارشالارىڭىزدى كەلە جاتقان تاۋەلسىزدىك كۇنىمەن شىن جۇرەكتەن قۇتتىقتايمىن! استاناداعى مەرەكەلىك شارالارعا توقتالاتىن بولساق، ەرتەڭ ساعات 11:00-دە تاۋەلسىزدىك سارايىندا سالتاناتتى جيىن وتەدى. ال ساعات 16:00-دە ەل باسشىلىعىنىڭ قاتىسۋىمەن «استانا وپەرادا» مەرەيتويلىق داتاعا وراي تەاترلاندىرىلعان كونسەرت بولادى. سونىمەن قاتار 16 - جەلتوقساندا ساعات 11:00-دە ەكسپو اۋماعىندا «ۇلى دالا ەلى» مونۋمەنتى اشىلادى»، - دەپ توقتالدى ءماجىلىس ءتوراعاسى.

 وسى رەتتە ن. نىعماتۋلين بۇل شارالارعا دەپۋتاتتار شاقىرىلىپ وتىرعاندىعىن جەتكىزدى. «بۇل ماڭىزدى شارالارعا بەلسەندى تۇردە قاتىسىڭىزدار دەگەن تىلەك بار»، - دەدى ول جالپى وتىرىستا دەپۋتاتتارعا قاراتىپ ايتقان سوزىندە.

 اۆتور: رۋسلان عابباسوۆ