ناۆالنىي رەسەي پرەزيدەنتى سايلاۋىنا تۇسپەك نيەتتە

  ناۆالنىيدىڭ مالىمدەۋىنشە، ونىڭ سايلاۋالدى باعدارلاماسى «رەسەيدى ادىلەتتى زاماناۋي مەملەكەت ەتۋ باعىتىنا» قۇرىلادى.

ناۆالنىي رەسەيدە «1996 -جىلدان بەرى ناعىز سايلاۋ بولعان جوق»، ال ءوزىنىڭ سايلاۋعا ءتۇسۋى «قوعامعا، مەملەكەت پەن ءاربىر ادامعا، ونىڭ ىشىندە ءوز يدەياسىن قولدامايتىندارعا دا» پايدالى بولادى دەپ سانايتىنىن ايتادى.

ناۆالنىي سايلاۋ الدى باعدارلاماسىندا سوت جۇيەسى، سالىق جۇيەسى، دەنساۋلىق ساقتاۋ، ءبىلىم بەرۋ جۇيەلەرىن رەفورمالاۋ قاجەتىن، بيلىكتى ورتالىقسىزداندىرىپ، سىرتقى ساياساتتى وزگەرتۋ كەرەگىن مالىمدەدى. ساياساتكەر «جەڭىسكە جەتۋ ءۇشىن كۇرەسەمىن» دەيدى.

الەكسەي ناۆالنىي سايلاۋعا ءتۇسۋ قۇقىعىنا رەسەي جوعارعى سوتى وزىنە «كيروۆلەس» كومپانياسىنا قاتىستى ءىس بويىنشا شىعارعان ۇكىمدى جويعان سوڭ يە بولعان. قازىر بۇل ءىس بويىنشا ەكىنشى قايتارا سوت تەرگەۋى ءجۇرىپ جاتىر.

ناۆالنىي بۇعان دەيىن رەسەي سوتى ءوزىن سايلاۋعا ءتۇسۋ قۇقىعىنان ايىرۋ ءۇشىن قايتادان ايىپتايتىن ۇكىم شىعاراتىنىنا سەنىمدى ەكەنىن مالىمدەگەن.

https://www.azattyq.org