ەسترادا جۇلدىزدارى ايەل ادامنىڭ بىرنەشە كۇيەۋگە شىعۋىنا قاتىستى پىكىر ءبىلدىردى

31 -تەلەارنانىڭ «نەگە؟» باعدارلاماسىندا جۇرگىزۋشى مۇحيت ساپاربايەۆ جۇلدىزداردان توسىننان: «ەگەر ۇكىمەت ايەلدەرگە بىرنەشە كۇيەۋگە شىعۋعا رۇقسات بەرسە قالاي بولادى؟» دەپ سۇرادى.

ءانشى سەرىكبول سايلاۋبەك مۇنداي جاعدايدىڭ بولۋى مۇمكىن ەمەستىگىن، بولعان جاعدايدا ەلىمىزدە ءولىم- ءجىتىمنىڭ كوپ بولاتىنىن جەتكىزدى. ال توقال تۋراسىندا:

«توقالىم جوق. توقال دەگەن سىرت جاقتاعى ماحاببات دەپ ويلايمىن»، - دەپ پىكىر ءبىلدىردى.

بۇل ورايدا ءانشى الىشەر كارىموۆ بارلىعىنا بىردەي قاراعان جاعدايدا توقال الۋعا بولاتىنىن ايتتى.

«ەگەر بارلىعىنا بىردەي قاراپ، بىردەي قامتاماسىز ەتەتىن بولساڭ، وندا الۋعا بولادى»، - دەدى ول.

بۇركىت توقال الۋعا تۇبەگەيلى قارسى ەكەنىن جەتكىزسە، رامازان ستامعازيەۆ توقال ۇعىمىنا مىناداي انىقتاما بەردى: «كەيدە قيناپ، كەيدە زورلاپ العان ەكىنشى ايەل».

ءانشى ەستاي الەكەيەۆ ايەلدىڭ بىرنەشە رەت كۇيەۋگە شىعۋىن قازاق قوعامىنا جات دەپ تاپسا، ستامعازيەۆ:

«ول جاعىن وكىمەت شەشە جاتار»، - دەپ قىسقا قايىردى.