الماتى وبلىسىندا ءبىر كۇندە ەكى كوپ قاباتتى تۇرعىن ءۇي پايدالانۋعا بەرىلدى - فوتو

تالدىقورعان. قازاقپارات - بۇگىن الماتى وبلىسىنىڭ اقسۋ اۋدانىندا ەكى كوپ قاباتتى ءۇي پايدالانۋعا بەرىلدى، دەپ حابارلايدى قازاقپارات ءتىلشىسى.

جانسۇگىروۆ اۋىلىندا 50 وتباسى باسپانالى بولدى. حالىقتىڭ يگىلىگىنە بەرىلگەن باسپانا 90- جىلدارى قاڭىراپ بوس قالعان. قوس ءۇيدى قالپىنا كەلتىرىپ، ەل يگىلىگىنە بەرۋدە اۋداننان شىققان بەلگىلى بيزنەسمەن سابىر قادىر ۇلى ءوز ۇلەسىن قوستى.

ايتا كەتۋ كەرەك، قازىرگى تاڭدا اقسۋ اۋدانىندا ەرەكشە اكسيا ۇيىمداستىرىلعان. «تۋعان جەرگە تۋىڭدى تىك» اتتى باستاما اياسىندا اۋداننان شىققان كاسىپكەر جومارت جاندار ءوز كومەكتەرىن كورسەتۋدە. سابىر قادىر ۇلى دا، وسى يگى شارا اياسىندا ءوز كومەگىن كورسەتتى. كوممۋنالدىق ۇيدەن پاتەرگە يە بولعان جانداردىڭ بارلىعى باسپانا تاۋقىمەتىن تارتقاندار. ولاردىڭ ىشىندە 7 ى جەتىم بالا بار.



سوڭعى ەكى جىلدا اقسۋ اۋدانىندا باسپانا قۇرىلىسى قارقىندى.118 كوممۋنالدىق پاتەر پايدالانۋعا بەرىلدى. اۋدان اكىمى ادىلبەك دالباعايەۆتىڭ ايتۋىنشا، بۇگىندە اۋدان حالقىنىڭ سانى كۇن ساناپ ءوسىپ كەلەدى. باسپانا كەزەگىندە 500 دەن اسا ادام تۇر.

اۆتور: سامال قابىشەۆا