الماتىدا «قازاق ەلى» قۋىرشاق فيلمى مۇمكىندىگى شەكتەۋلى بالالارعا كورسەتىلدى - فوتو
قازاق مۋلتيپليكاتسياسىنىڭ تاريحىنداعى تۇڭعىش تولىقمەتراجدى «قازاق ەلى» انيماتسيالىق فيلمىنىڭ قايىرىمدىلىق كورسەتىلىمىندە ءسوز سويلەگەن فيلمنىڭ پروديۋسەرى جانە ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ديرەكتورى ءسابيت ءابدىحالىقوۆ شارانىڭ باستى ماقساتىن ايتتى.
«ەل تاۋەلسىزدىگىنىڭ 25 جىلدىعىن جان جاقتى تويلاۋىمىز كەرەك. جاس ۇرپاققا ماعىنالى دۇنيەلەردى كورسەتۋ، ولاردىڭ ساناسىندا تاۋەلسىزدىككە دەگەن قۇرمەتتى وياتارى ءسوزسىز. بۇل انيماتسيالىق فيلم قازاق حاندىعىنىڭ 550 جىلدىعىنا ارنالىپ جاسالعانىمەن ەل تاۋەلسىزىدىگىنىڭ 25 جىلدىعىندا دا كورسەتىلىپ وتىر. بۇل جولى مۇمكىندىگى شەكتەۋلى، الەۋمەتتىك جاعدايى تومەن وتباسىنان شىققان بالالارعا تەگىن كورسەتىپ وتىرمىز. تۋىندىدا كەرەي مەن جانىبەكتىڭ ەرلىگى كورسەتىلگەن»، - دەدى ءسابيت ءابدىحالىقوۆ.
ول ءسوز سوزىندە «قازاق ەلى» انيماتسيالىق فيلمىن اتالعان تەاتردا كورسەتۋدىڭ نەگىزگى سەبەبىن ايتتى. «ءبىزدىڭ تەاتردىڭ 10 اكتەرى «قازاق ەلى» انيماتسيالىق فيلمىن دىبىستاۋعا قاتىستى. فيلمدى تاراتۋدى ارنالارمەن كەلىسىپ جاتىرمىز. ساتىبالدى نارىمبەتوۆ باستاعان كينو ماماندارى بۇل انيماتسيالىق فيلمگە جاقسى باعاسىن بەرگەن»، - دەدى ءسابيت ءابدىحالىقوۆ.
اۆتور: الماس مۇقاش ۇلى
