عالىمدار: بالالار انا قۇرساعىندا سويلەۋدى ۇيرەنەدى

نۇر- سۇلتان. قازاقپارات - ا ق ش پەن شۆەتسيا عالىمدارى جاڭا تۋعان سابيلەردىڭ دۇنيەگە كەلگەن ساتتە- اق انا ءتىلى مەن وزگە تىلدەردى اجىراتا الاتىنىن انىقتادى.

قۇرساقتاعى سوڭعى ون اپتادا بالا اناسىن ەستيدى جانە تۇسىنەدى دەيدى ولار. بۇل زەرتتەۋگە دەيىن انا قۇرساعىنداعى بالالاردىڭ تىلدەردى تۇسىنەتىنى دالەلدەنگەن جوق.

ۆاشينگتون ۋنيۆەرسيتەتى جانىداعى اقىل- وي تۋرالى زەرتتەۋلەر ينستيتۋتىنىڭ مامانى پاتريسسيا كۋحلدىڭ ايتۋىنشا، سابيدىڭ تىلدەردى اجىراتۋ قابىلەتى جۇكتىلىكتىڭ 30-اپتاسىندا قالىپتاسا باستايدى جانە ولار داۋىستى دىبىستارعا ءمان بەرەدى، دەپ جازدى «ۆەك».

عالىمدار جاڭا تۋعان 40 سابيگە تاجىريبە جۇرگىزىپ، ءتۇرلى تىلدەردىڭ دىبىسىن تىڭداتقان. ولار كومپيۋتەرگە جالعانعان ەمىزىكتى ەمگەن. ەمىزىكتى نەعۇرلىم ۇزاق ەمسە، تىلگە دە سوعۇرلىم قىزىعۋشىلىق تانىتقان. زەرتتەۋ ناتيجەلەرى بويىنشا، بالالار 5-ايىندا ادامداردى ەرنىنە قاراپ- اق تۇسىنەدى جانە دىبىسسىز فيلم كورىپ وتىرسا دا، كەيىپكەرلەردىڭ ءوز انا تىلىندە نەمەسە وزگە تىلدە سويلەپ جاتقانىن ايىرا الادى.