نۇرسۇلتان نازاربايەۆ مەملەكەتتىك باسقارۋ ىسىنە قاتىستى پىكىر ءبىلدىردى
«بىزدە باسقارۋدىڭ پرەزيدەنتتىك ءتۇرى. كونستيتۋتسيادا باسقارۋدىڭ پرەزيدەنتتىك نىسانىنداعى رەسپۋبليكا دەپ جازىلعان. فرانسۋزدىق پرەزيدەنتتىك بيلىك ءبىرشاما قاتاڭداۋ. بىزدە قانداي بار، سونداي. ونى ءارتۇرلى ايتىپ جاتادى، ديكتاتورلىق نەمەسە اۆتوكراتتىق دەيدى. بۇل ءبىزدىڭ جاعدايىمىزدى، ءبىزدىڭ ءومىرىمىزدى، جالپى گازەتتەن عانا وقىپ، ەشتەڭەنى دە بىلمەيتىندەردىڭ مىلجىڭ ءسوزى. سوندىقتان دا ءبىزدىڭ ەلىمىز ءۇشىن ءبىزدىڭ بۇگىنگى بيلىك دۇرىس»، - دەدى ەلباسى.
مەملەكەت باسشىسى جاعداي وزگەرەر بولسا باسقا ساتىعا كوشەتىندىگىمىزدى دە باسا ايتادى. «سوندىقتان دا ەكونوميكانى نىعايتۋ، ورتا تاپتى كوتەرۋ قاجەتتىگىن تاعى دا ءبىر مارتە ايتقىم كەلەدى. سودان كەيىن ەل تۇراقتى بولۋى، دامۋى جانە ونىڭ مەنشىگى ساقتالۋى ءۇشىن العا قاراي ىلگەرىلەۋ كەرەك»، - دەدى پرەزيدەنت.
سونىمەن قاتار ۇلت كوشباسشىسى كونستيتۋتسياعا جەكە مەنشىككە قول سۇعىلمايتىندىعى جازىلۋ كەرەكتىگىن اتاپ ءوتتى.
«بىزگە كونستيتۋتسياعا جەكە مەنشىككە قول سۇعىلمايتىندىعى تۋرالى تارماق قوساتىن ۋاقىت جەتتى. ەشكىم دە ادامنىڭ جەكە مەنشىگىنە قول سۇعا المايدى. مەنىڭ جەكە پاتەرىمە، مەنىڭ جەكە ۇيىمە ەشكىمدە رۇقساتسىز كىرە المايدى. ولاي بولماسا بەيبەرەكەتتىك ورىن الادى. كۇشتىلەر السىزدەردىڭ قولىندا بارىن تارتىپ الاتىن بولادى»، - دەدى نازاربايەۆ.
