قازاقستاندىق بالۋان ەركىن كۇرەستەن الەم چەمپيوناتىنىڭ كۇمىس جۇلدەگەرى اتاندى

ورال. قازاقپارات - قازاقستاندىق بالۋان نۇرلان بەكجانوۆ بۋداپەشت قالاسىندا وليمپيادالىق ەمەس سالماق دارەجەلەرىندەگى كۇرەس تۇرلەرىنەن وتكەن ءبىرىنشى الەم چەمپيوناتىندا كۇمىس جۇلدەنى يەلەندى، دەپ حابارلايدى قازاقپارات ءتىلشىسى.

قازاقستان كۇرەس فەدەراتسياسىنىڭ سايتىنان الىنعان مالىمەتكە قاراعاندا، نۇرلان بەكجانوۆ 70 كەلى سالماقتا الدىمەن قىرعىز بالۋانى ەلامان دوعدىربەك ۇلىن 5:1 ەسەبىمەن ۇتسا، ەكىنشى اينالىمدا ۆەنگريالىق سومبور گۋلياستى 6:2 ەسەبىمەن تىزە بۇكتىردى. ءۇشىنشى بەلدەسۋىندە مولدوۆالىق ميحايل ساۆانى 7:0 ەسەبىمەن جەڭدى.

ال جارتىلاي فينالدا جاپونيالىق نوبۋيوسي تاكودجيمادان 10:6 ەسەبىمەن باسىم ءتۇستى. تەك فينالدا رەسەيلىك، ەۋروپا چەمپيونى، 2013-جىلعى الەم بىرىنشىلىگىنىڭ قولا جۇلدەگەرى موگامەد كۋرباناليەۆكە 4:8 ەسەبىمەن ەسە جىبەردى.

وسى بىرىنشىلىكتە سونداي-اق تاعى ءبىر قازاقستاندىق بالۋان ايىم ءابدىلدينا قولا جۇلدەگەر اتاندى. ب ق و- نىڭ سىرىم اۋدانى بۇلدىرتى اۋىلىندا تۋىپ-وسكەن نۇرلاننىڭ العاشقى باپكەرى ك س ر و سپورت شەبەرى اسقار ساۋكەلين بولسا، قازىر استانا قالاسىنداعى جاتتىقتىرۋشىسى - اسقار ابدىراشيەۆ.

ايتا كەتەيىك، نۇرلان بەكجانوۆ - ەرەسەكتەر اراسىندا ەركىن كۇرەستەن قازاق بالۋاندارىنان الەم چەمپيوناتىنىڭ فينالىندا ونەر كورسەتىپ، كۇمىس جۇلدەگەر اتانعان ءبىرىنشى سپورتشى. بۇعان دەيىن الەم چەمپيوناتىندا ماۋلەن مامىروۆ 1997-جىلى كراسنويارسكىدە، داۋلەت نيازبەكوۆ پەن داۋرەن جۇماعازيەۆ 2011-جىلى ستامبۋلدا قولا جۇلدەنى يەلەنگەن بولاتىن.