قازاق جۋرناليستەرىنىڭ كاسىبي دەڭگەيى دامىعان ەلدەردىڭ جۋرناليستەرىنەن كەم ەمەس - قاسىم-جومارت توقايەۆ
«ەلباسىنىڭ كورەگەن ساياساتىنىڭ ارقاسىندا قازاقستان ب ۇ ۇ قاۋىپسىزدىك كەڭەسىنىڭ مۇشەسى بولدى. يادرولىق قارۋدان باس تارتقان تۇڭعىش ەل رەتىندە بۇكىل الەمدە ۇلكەن ابىرويعا يە بولدى. حالقىمىزدى دۇنيە جۇزىنە پاش ەتتى. قازاقستانداعى ۇلتتىق ىنتىماق پەن ۇلتارالىق تاتۋلىقتى دۇنيە ءجۇزى ۇلگى تۇتادى. الەمدەگى ەڭ دامىعان ەلدەردىڭ قاتارىنا ەنۋ تۋرالى پرەزيدەنتتىڭ ۇزاق مەرزىمدى ستراتەگياسىن جۇزەگە اسىرۋدا ەلىمىزدىڭ ەگەمەندىگىن جانە مەملەكەتىمىزدىڭ تۇراقتى دامۋىن قامتاماسىز ەتۋدە ۇلتتىق زاڭنامانى قالىپتاستىرۋدا پارلامەنت تاباندى جۇمىس ىستەۋدە»، - دەدى سەنات ءتوراعاسى.
وسى رەتتە ول 25 جىل ىشىندە قازاقستان پارلامەنتى مەملەكەتتىڭ قارقىندى دامۋىنا قاجەتتى بارلىق زاڭداردى قابىلداعاندىعىن باسا ايتتى.
«سول زاڭداردىڭ ءمان-ماڭىزىن حالىققا جەتكىزۋ جولىندا سىزدەردىڭ ەڭبەكتەرىڭىز وتە مول. تاۋەلسىزدىك جىلدارىندا قازاقستان جۋرناليستيكاسى ايتارلىقتاي شىڭدالىپ، جەتىلدى. اقپارات قۇرالدارىنىڭ قىزمەتى قۇقىقتىق جاعىنان تولىق قامتاماسىز ەتىلگەن. بۇگىندە قوعام قۇندىلىقتارى جانە باستى باعدارىمىزدى حالىققا ناسيحاتتاۋدا، ىنتىماق-بىرلىگىمىزدى نىعايتۋدا جۋرناليستەردىڭ ءرولى ايرىقشا. قازاق جۋرناليستەرىنىڭ كاسىبي دەڭگەيى باسقا دامىعان مەملەكەتتەردىڭ جۋرناليستەرىنەن كەم ەمەس. ال كوپتەگەن وزەكتى قوعام ماسەلەلەرى بويىنشا ودان دا جوعارى دەپ كۇمانسىز ايتۋعا بولادى. سىزدەردىڭ ەڭبەكتەرىڭىزدى مەن، سەنات ءتوراعاسى رەتىندە وتە جوعارى باعالايمىن. بارشالارىڭىزدىڭ قاجىرلى ەڭبەكتەرىڭىزگە تولايىم تابىستار تىلەيمىن»، - دەدى قاسىم-جومارت توقايەۆ.
اۆتور: مارلان جيەمباي
