18:39, 09 - جەلتوقسان 2016 | GMT +5
دوپينگ ەندى بوكسشىلارعا دا كەلىپ جەتتى
استانا. قازاقپارات - دوپينگ ەندى بوكسشىلارعا دا كەلىپ جەتتى، دەپ حابارلايدى قازاقپارات ءتىلشىسى.
وسىنداي ايىپپەن ريو-دە-جانەيرو وليمپياداسىنىڭ 52 كەلى سالماق دارەجەسىندە كۇمىس جۇلدەگەرى اتانعان رەسەيلىك بوكسشى ميشا الويان وليمپيادا جۇلدەسىنەن ايىرىلعانى بەلگىلى بولدى.
وعان حالىقارالىق تورەلىك سوتى وسىلاي ۇكىم شىعارعان. ميشا الوياننىڭ قان قۇرامىنان رۇقسات ەتىلمەگەن پرەپاراتتار تابىلعان. حالىقارالىق وليمپيادا كوميتەتى الوياننىڭ بىرنەشە رەت انتيدوپينگتىك ەرەجەلەردى بۇزعانىن ايتقان. كەيىن تەكسەرىس كەزىندە سىنامالارى وڭ ناتيجە بەرگەن.
ال بوكسشىنىڭ باپكەرى ەدۋارد كراۆتسوۆ الدىڭعى مالىمدەمەلەرىندە شاكىرتىنىڭ جوتەلگە قارسى پرەپاراتتار قولدانعانىن ايتقان بولاتىن. ەستەرىڭىزدە بولسا، ريو وليمپياداسىنىڭ فينالىندا ميشا الويان وزبەكستاندىق شاحوبيدين زويروۆتان ۇتىلعان ەدى.
اۆتور: كۇنسۇلتان وتارباي
