بەس دۇركىن وليمپيادا چەمپيونى نەللي كيم ق ح ا ەلشىسى اتانادى
بۇل تۋرالى بۇگىن و ك ق باسپا ءسوز قىزمەتىندە اسسامبلەيا ءتوراعاسىنىڭ ءبىرىنشى ورىنباسارى ەرالى توعجانوۆ حابارلادى.
بۇگىن ەتنومادەني بىرلەستىكتىڭ «25 جىل بەيبىتشىلىك پەن كەلىسىم» فەستيۆالىن وتكىزۋگە ارنالعان باسپا ءسوز كونفەرەنتسياسى ءوتتى. وعان بۇگىن بەس دۇركىن وليمپيادا چەمپيونى، بەس دۇركىن الەم چەمپيونى، بەلگىلى كەڭەس گيمناستشىسى نەللي كيم، كەڭەس وداعىنىڭ باتىرى، ينگۋشەتيانىڭ ءبىرىنشى پرەزيدەنتى رۋسلان اۋشەۆ، كەڭەس جانە رەسەي كومپوزيتورى ادەكساندر زاتسەپين، بالەت ءارتىسى، بالەتمەيستەر ازاري پليسەتسكي قاتىستى.
«نەگە مۇنداي تۇلعا ق ح ا الەم ەلشىسى بولماسقا دەگەن سۇراق قويىلدى. مۇنى ءبىز كەشە تالقىلادىق. ونىڭ كەلىسىمىن الدىق. ول ا ق ش جانە جەنيەۆادا ق ح ا ەلشىسى بولادى»، - دەپ حابارلادى ەرالى توعجانوۆ جۋرناليستەردىڭ سۇراعىنا جاۋاپ رەتىندە.
نەللي كيم - بەلگىلى كەڭەس گيمناستشىسى، ەكى دۇركىن ەۋروپا چەمپيونى، بىرنەشە دۇركىن ك س ر و چەمپيونى. ك س ر و- نىڭ ەڭبەك سىڭىرگەن سپورت شەبەرى (1976). حالىقارالىق گيمناستيكا فەدەراتسياسى تەحنيكالىق كوميتەتىنىڭ پرەزيدەنتى. 1957-جىلى تاجىكستاندا تۋعان.
نەللي تۋعاننان كەيىن وتباسى شىمكەنتكە كوشكەن. اتا-اناسى ءالى كۇنگە سول جاقتا تۇرادى. شىمكەنتتە ول باپكەر ۆلاديمير بايدينمەن 10 جاسىنان باستاپ سپورتپەن اينالىسقان. قازاقستاننىڭ مىقتى گيمناستشىسى اتاندى. كەيىن ءوزىن بۇكىل وداقتىق، سوسىن الەمدىك ارەنادا كورسەتە ءبىلدى.
