13:00, 08 - جەلتوقسان 2016 | GMT +6
قازاقتىڭ ەكى بوكسشىسى تاۋەلسىزدىككە توسىن سىي جاساماق
استانا. قازاقپارات - قازاقتىڭ قوس كاسىپقوي بوكسشىسى باتىر جۇكەمبايەۆ پەن ابىلايحان قۇسايىنوۆ تاۋەلسىزدىككە توسىن سىي جاساماق، دەپ حابارلايدى قازاقپارات ءتىلشىسى.
ولار وزدەرىنىڭ الەۋمەتتىك جەلىسىندەگى جەكە پاراقشالارىنا 16- جەلتوقسان كۇنى شارشى الاڭعا شىعاتىندارىن، بۇل كۇن ق ر تاۋەلسىزدىگىنىڭ 25 جىلدىق مەرەيتويىمەن تۇسپا-تۇس كەلىپ تۇرعانىن جازادى.
سونىمەن قاتار قازىر جەكپە-جەك كەشىنە دايىندىقتارىن پىسىقتاپ، كۇن-ءتۇنى دەمالماي جاتتىعىپ جاتقانىن اتاپ وتەدى.
«بارلىعى جوسپار بويىنشا وتۋدە. كۇنىگە ەكى مەزگىل جاتتىعامىز. تىنىمسىز تەر توگىپ، ەرىنبەي ەڭبەك ەتىپ جاتىرمىز. اللا قالاسا تاۋەلسىزدىككە تاماشا تارتۋ جاسايمىز دەگەن ۇمىتتەمىز»، - دەيدى باتىر مەن ابىلايحان.
اۆتور: كۇنسۇلتان وتارباي
