سۋرەتكە ات قويۋدىڭ ادىستەرى

ادەمى جانە ەرەكشە ات قويۋدىڭ ەشقانداي قيىندىعى جوق جانە بۇل پروتسەسس وتە تەحنولوگيالىق بولىپ تابىلادى.

№1 ءادىس. (قورىتىندى دالەل)

ءبىر نەمەسە ەكى سوزبەن وبەكتىنى سيپاتتايمىز نەمەسە سۋرەتتە بولىپ جاتقان جاعدايدى اتايمىز. مۇنداي اتاۋلارعا، مىسالى: «فانتازيا»، «اياز بەن كۇن»، «جەلتوقسان ءتۇنى»، «قارا قوبديشا»، «كەشكى سەرۋەن» جاتادى. كەيدە ءوزىڭ سۋرەتكە تۇسىرگەن ادامنىڭ اتىمەن اتاساڭىز دا تاقىرىپ تاۋىپ قويىلادى.

№2 ءادىس. (ءومىردى سەزىنۋ)

بۇل كەز كەلگەن سۋرەتتى وتە قىزىقتى ءارى تەرەڭ ماعىنالى ەتە الادى. ياعني بۇل ادامداردىڭ ءىس- ارەكەتتەرىنە نەمەسە سەزىمدەرىنە جانسىز زاتتى بايلانىستىرۋ ارقىلى ناتيجەسىندە فيلوسوفيالىق تاقىرىپ قويۋعا بولاتىنىن دالەلدەيدى. مىسالى: «كۇزگى الاۋ ءانى»، «كۇزگى قوڭىراۋ»، «تۇڭعيىق ورمان مۇڭى»، «كوكتەمگى جاڭبىر ءبيى».

№3 ءادىس. (مىنەز- قۇلىقپەن بايلانىستىرۋ)

بۇل ءادىس سىزگە قانداي دا ءبىر ورىندى مىنەزدىڭ ءبىر تۇرىمەن - مەيىرىمدى، قاتەرلى، قورقىنىشتى بايلانىسىن كورسەتەدى. بۇنداي اتاۋلار سۋرەتتى وتە ەموتسيونالدى ەتەدى جانە سۋرەتتى تاماشالايتىن ادامعا ۇلكەن اسەر قالدىرادى. مىسالى: «كوڭىلدى مۋزىكانت»، «قۋانىشتان سەكىرۋ».

№4 ءادىس. (نە جانە قايدا؟)

بۇل ءادىستىڭ ماعىناسى ءسىز سۋرەتتەگى وبەكتىنى، نەمەسە قانداي دا ءبىر جاعدايدى بولىپ جاتقان ورنىمەن بايلانىستىراسىز. مەيلىنشە، مەتافورلار مەن ەرەكشە ەستىلەتىن ءسوز تىركەسەتەرىن قولدانعان دۇرىس. مىسالى: «تالعا تىزىلگەن قۇستار»، «كۇزگى كەزدەسۋ».

№5 ءادىس. (دراما)

بۇل ءادىستى وتە ۇتىمدى ءارى ۇيلەسىمدى قولدانۋ كەرەك. قوشتاسۋمەن بايلانىستى بولاتىن اتاۋلاردى قويۋ كەرەك. مىسالى: «سوڭعى بي»، «ۇمىتىلعان ءۇي»، «قوشتاسۋ كەشى».

№6 ءادىس. (ۋاقىت)

سۋرەتتىڭ قاي كەزدە تۇسىرىلگەنى ارقىلى اتاساڭىز بولادى. مىسالى: «قيىن كۇننەن سوڭ»، «جاڭا كۇن»، «جاڭا جىل الدىنداعى ءتۇن»، «جاڭبىردان كەيىنگى كەزدەسۋ».

№7 ءادىس. (سەزىم)

سۋرەتتى اتاۋدىڭ تاعى ءبىر قىزىقتى ءادىسى ول سۋرەتكە دەگەن ءسىزدىڭ سەزىمىڭىزدى سيپاتتايدى. مىسالى، «تىنىشتىق»، «شابىت»، «سەزىم»، «قىزعانىش».

№8 ءادىس. (ءتۇسىرىلىم ورنى)

سۋرەتتى اتاۋدىڭ وتە وڭاي ءادىسى. جاي عانا سۋرەتتى تۇسىرگەن جەرىڭىزدى اتاي سالساڭىز جەتكىلىكتى. مىسالى: «ۇيدە»، «ەسكى اۋىلدا»، «تىنىش ورماندا»، «باسقا ەلدە» جانە تاعى باسقا.

«جاس الاش» گازەتى
***

قىتايداعى بەلگىلى فوتوگراف سەرىك مۇقىشتىڭ فوتوسۋرەتتەرى