اي تۋعاندا تىلەك تىلەگەن دۇرىس پا

نۇر-سۇلتان. قازاقپارات - عالامداعى بارلىق جاراتىلىس اللا تاعالاعا قۇلشىلىق ەتەتىنى اقيقات.

قۇران كارىمدە: «جەتى كوك جانە جەر، سونداي- اق، ونداعى بولعاندار اللانى پاكتەيدى. ونى پاكتەپ، ماقتامايتىن ەشبىر نارسە جوق.

ءبىراق سەندەر ولاردىڭ تاسبيحتارىن (قۇلشىلىقتارىن) تۇسىنە المايسىڭدار...»، - دەپ باياندالعان.

ءيا، پايعامبارىمىز (س. ع. س. ) دا جانسىز قۇبىلىستارمەن تىلدەسەتىن. ول جايلى حاديستەر دە بارشىلىق. اللا ەلشىسى (س. ع. س. ) مۇسىلماندارعا جەر، اي سياقتى جاراتىلىستار جانە كۇننىڭ كۇركىرەۋى ءتارىزدى قۇبىلىستار دا ادامدارمەن قاتار اللا تاعالاعا قۇلشىلىق ەتەتىنىن حابارلاعان. تالحا بين ۋبايدۋللا (ر. ا. ): «پايعامبار (س. ع. س.) جاڭا اي تۋعانىن كورگەندە، «ءاللوھۋمما ءاھليلھۋ ءالاينا بيل يۋمني ءۋال يمان ءۋاس ءسالاماتي ءۋال يسلام، روببي ءۋا روببۋكا اللاھ» (ماعىناسى: ۋا، اللا! جاڭا ايدا بىزگە جەڭىلدىك بەر. يماندا، اماندىق جانە يسلامدا (بەرىك ەت). مەنىڭ جانە سەنىڭ راببىڭ - اللا» دەپ دۇعا ەتۋشى ەدى»، - دەيدى.

اللا ەلشىسى (س. ع. س. ) وسى دۇعانى جىلىنا ون ەكى رەت قايتالايتىن. جاڭا تۋعان ايدا بەرەكەت سۇراپ، دىندە بەرىك بولۋدى تىلەپ قارسى الاتىن.

سونىمەن بىرگە، مۇسىلماندارعا ايدىڭ تۋۋ ۋاقىتىن انىقتاۋعا جانە باقىلاۋعا شاقىراتىن. ويتكەنى، ايدىڭ تۋۋىنا قاتىستى جاسالاتىن قۇلشىلىق تۇرلەرى بار. ماسەلەن، ايدىڭ ورتاسىندا ءۇش كۇندىك ورازا، اشۋرا ورازاسى جانە ت. ب. قالا بەرسە، بەرەكەت، اماندىق، يمان جانە يسلامدا بەرىك تۇرۋدى سۇراۋمەن بىرگە سۇننەتكە امال ەتكەننىڭ ساۋابىن الادى. بۇل عاجاپ سۇننەت ەمەس پە؟!

muslim.kz