21:44, 06 - جەلتوقسان 2016 | GMT +6
ەلباسى الماتى وبلىسىندا شويىن وندىرەتىن زاۋىتتى ىسكە قوسۋعا رۇقسات بەردى
استانا. قازاقپارات - استانادا يندۋستريالاندىرۋ كۇنى اياسىندا تەلەكوپىر بارىسىندا ەلباسى نۇرسۇلتان نازاربايەۆ الماتى وبلىسىندا شويىن وندىرەتىن زاۋىتتى ىسكە قوسۋعا رۇقسات بەردى،
دەپ حابارلايدى قازاقپارات.
«تەكەلى كەندى قايتا وڭدەۋ كەشەنى» ج ش س ديرەكتورى باقىت شالبايەۆتىڭ ايتۋىنشا، جاڭا زاۋىت يننوۆاتسيالىق تاسىلمەن 400 مىڭ توننا ءونىم شىعارۋعا قاۋقارلى. وندىرىستە قازاقستاندىق شيكىزات قولدانىلادى. بۇگىندە زاۋىتتا جابدىقتاردى ىسكە قوسۋ جۇمىستارى تولىقتاي اياقتالدى. ءوز كەزەگىندە مەملەكەت باسشىسى نۇرسۇلتان نازاربايەۆ جاقىندا اتالعان وندىرىستە قۇرىلىس جۇمىستارى ءجۇرىپ جاتقاندا كەڭىنەن تانىسقانىن ەسكە سالدى.
«سول كەزدە تەكەلىدە شاعىن دومنا پەشىنىڭ سالىنعانىنا تاڭدانعان ەدىم. بۇل قىزىقتى جوبا قولدانبالى شويىندى شىعارادى. بۇل - وتە جاقسى ءارى قاجەتتى ءوندىرىس، ادامدارعا جۇمىس ورىندارى اشىلادى. سوندىقتان تابىستى بولىڭىزدار!» - دەدى پرەزيدەنت.
اۆتور: رۋسلان عابباسوۆ