ەربولات بايات ۇلى: بيىلعى جىل ءيىسى قازاق ءۇشىن، الاش ءۇشىن ۇلكەن ءبىر قۋانىشتى جىل
«بيىلعى جىل ءبىز ءۇشىن، ءيىسى قازاق ءۇشىن، الاش ءۇشىن جانە كۇللى تۇركى دۇنيەسىندەگى باۋىرلارىمىز ءۇشىن ۇلكەن ءبىر قۋانىشتى جىل. ويىتكەنى، قازاق ەلىنىڭ تاۋەلسىزدىك العانىنا 25 جىل تولعان تورقالى تويى.
بۇندا قۋانباعان جۇرەك قاشان قۋانادى؟ بۇندا شاتتانباعان كوڭىل قاشان شاتتانادى؟
تاۋەلسىزدىك ۇعىمى - ول سەنىڭ تىلىڭدەگى، سەنىڭ دىلىڭدەگى، سەنىڭ دىنىڭدەگى، سەنىڭ رۋحىڭداعى، سەنىڭ جان دۇنيەڭدەگى، سەنىڭ بۇگىنىڭ مەن ەرتەڭگى بولاشاعىڭا دەگەن سەنىمدە جاتقان تاۋەلسىزدىك!
رۋحتىڭ، جاننىڭ تاۋەلسىزدىگى، ادەبيەت پەن مادەنيەتتىڭ تاۋەلسىزدىگى، جالپى، قازاقى بولمىس پەن ەركىندىكتىڭ، قازاقى سالت پەن سانانىڭ تاۋەلسىزدىگى دەپ ۇعامىن.
تاۋەلسىزدىك تويى قۇتتى بولسىن! عاسىردان-عاسىرعا جەتەتىن ارمانىمىز، كوك اسپان استىنداعى كوك تۋىمىز بولاشاق ۇرپاقتىڭ، بولاشاق قازاقتىڭ قولىندا جەلبىرەي بەرسىن!» دەيدى اقىن.
ۇلاربەك دالەي ۇلى
