قاراعاندىلىق پوليتسەيلەر تاۋەلسىزدىك كۇنىنە وراي بەينەبايان ءتۇسىردى - فوتو
ولار جەدەل ارەكەت ەتۋ ارنايى وتريادىنىڭ قىزمەتكەرلەرى تۋرالى بەينەكليپ ءتۇسىردى. قىزمەت بارىسىندا بەتپەردەمەن جۇرەتىن بۇل ازاماتتار قارۋلى قىلمىسكەرلەردى ۇستاپ، كەپىلدەگى ادامداردى تۇتقىننان بوساتىپ ءارى قاۋىپسىزدىكتى قامتاماسىز ەتەدى.
جەدەل ارەكەت ارنايى جاساعىنىڭ جۇمىسىن كورسەتەتىن بەينەكليپتىڭ ءسوزى مەن مۋزىكاسىن ىشكى ىستەر دەپارتامەنتى داڭق مۇراجايىنىڭ ديرەكتورى ايجامال ايتجانوۆا جازدى. كليپتى اتالعان دەپارتامەنتتىڭ باسپا ءسوز قىزمەتى ءتۇسىردى. ال باستى كەيىپكەرلەردىڭ ءرولىن پوليتسەيلەر سومداعان.
باۋىرجان جۇماعۇلوۆ، باستى رولدەگى كەيىپكەر:
- ادامنىڭ بەينەسىن كەلتىرۋ، اۋىرعانىن كەلتىرۋ جانە مىلتىقپەن اتىسىپ ءىر ءتۇرلى جاعدايلاردى كەلتىرۋ وتە وڭايعا كەلگەن جوق. ويتكەنى كۇندە مۇنداي كليپتەرگە ءتۇسىپ جۇرگەن جوقپىز. وسى ىشكى ىستەر ورگاندارى قىزمەتكەرلەرىنىڭ جۇمىسىنىڭ قيىندىعىن جانە ۇيدەگى بولاتىن جاعدايلارمەن بايلانىستىردىق.
