نيۋ- يورك تۇرعىندارى دونالد ترامپتىڭ ايەلىنىڭ قالادان كەتۋىن تالاپ ەتۋدە
استانا. قازاقپارات - نيۋ- يوركتىڭ 100 مىڭعا جۋىق تۇرعىنى ا ق ش- تىڭ جاڭادان سايلانعان پرەزيدەنتى دونالد ترامپتىڭ جۇبايى مەلانيانىڭ يناۋگۋراتسيادان كەيىن قالادان كەتۋىن تالاپ ەتىپ، پەتيتسياعا قول قويدى، دەپ حابارلايدى قازاقپارات.
russian.rt.com سايتىنىڭ جازۋىنشا، دونالد ترامپ پەن ونىڭ وتباسىنىڭ قاۋىپسىزدىگىن قامتاماسىز ەتۋ ءۇشىن نيۋ- يورك بيلىگى كۇن سايىن ءبىر ميلليون دوللار جۇمسايتىن كورىنەدى.
«ەگەر مۇنداي شەشىم قابىلداناتىن بولسا، بۇل ءۇشىن سولار عانا (RT - ترامپتار اۋلەتى) تولەۋى ءتيىس. نيۋ- يوركتىڭ سالىقشىلارى ەسەبىنەن ەمەس، ول اقشالاردىڭ جولدارعا، مەكتەپتەرگە، كولىككە، سانيتارياعا، جاڭا جۇمىس ورىندارىنا جانە قالانىڭ باسقا دا شىعىندارىنا جۇمسالعانى ءجون»، - دەپ جازدى ادامدار ۇندەۋ حاتتا. بۇعان دەيىن ترامپ ونىڭ جۇبايى مەلانيا مەن ۇلى بەررون ۇلىقتاۋ راسىمىنەن كەيىن اق ۇيگە كوشۋدى جوسپارلامايتىنىن جانە ولار نيۋ- يوركتە قالاتىندىعىن ءمالىم ەتكەن بولاتىن. مەلانيا ترامپ ا ق ش- تىڭ ءبىرىنشى لەديى رەتىندەگى قىزمەتتە نەمەن اينالىساتىندىعىن جاريالادى. بۇرىنعى فوتومودەل بار كۇش- جىگەرىن ايەلدەر مەن بالالاردىڭ قۇقىعىن قورعاۋعا جۇمساماق.
