رەسەي ەلەكتر توعىنان يادرولىق وتىن الۋدى ۇيرەندى
استانا. قازاقپارات - قيىر شىعىس فەدەرالدى ۋنيۆەرسيتەتىنىڭ عالىمدارى ەلەكتر توعىنان يادرولىق وتىن الۋدىڭ جاڭا ءادىسىن ويلاپ تاپتى. ول قۇنىنىڭ تومەندىگىمەن، ءوندىرىس جىلدامدىعىنىڭ جوعارىلىعىمەن جانە ءونىمنىڭ ۇزدىك ساپاسىمەن ەرەكشەلەنەدى.
بۇل تۋرالى ت ا س س اگەنتتىگى ۋنيۆەرسيتەتتەگى جاراتىلىس تانۋ عىلىمدارى مەكتەبىنىڭ يادرولىق تەحنولوگيالار اكادەميالىق دەپارتامەنتىنىڭ ديرەكتورى، رەسەي عىلىم اكادەمياسىنىڭ كوررەسپوندەنت- مۇشەسى يۆان تانانايەۆقا سىلتەمە جاساپ حابارلادى.
«ءبىزدىڭ ءادىستىڭ نەگىزگى يدەياسى ۇنتاق ورنالاستىرىلعان پرەسس- فورمانى ەلەكتر توعىمەن قىزدىرۋ بولىپ تابىلادى. وسىنداي جاعدايدا ۋران- وكسيدتى وتىنىنا ءبىر مەزگىلدە قۋاتتى يمپۋلستى رازرياد پەن مەحانيكالىق قىسىم اسەر ەتەدى»، - دەيدى تانانايەۆ.
عالىمنىڭ ايتۋىنشا، ءادىستىڭ باستى ارتىقشىلىعى - ءوندىرىس جىلدامدىعىنىڭ ارتۋى مەن ءونىم ساپاسىنىڭ جوعارىلاۋى. وتىندى ستاندارتتى تەحنولوگياعا جارامسىز سانالاتىن ۋران ديوكسيدىنەن دە الۋعا بولادى.
