پۋتين مەن نازاربايەۆ قىرعىز باسشىسىنان بيلىكتەن كەتپەۋىن سۇراعان
استانا. قازاقپارات - قىرعىزستان پرەزيدەنتى المازبەك اتامبايەۆتىڭ ايتۋىنشا، نۇرسۇلتان نازاربايەۆ پەن رەسەي پرەزيدەنتى ۆلاديمير پۋتين ودان ەكىنشى مەرزىمگە پرەزيدەنت قىزمەتىندە قالۋىن سۇراعان دەپ حابارلايدى ورتالىق ازيانىڭ جاڭالىقتار قىزمەتى.
ونىڭ سوزدەرىنشە، رەسەي مەن قازاقستان باسشىلارى ودان تاعى ءبىر مەرزىمگە قالۋىن سۇراعان.
«ءبىراق مەن ولاي ىستەي المايتىنىمدى، ءبىزدىڭ حالىقتىڭ باسقا ەكەنىن ءتۇسىندىردىم. ولار كىمدى لايىق دەپ سانايدى، سونى سايلايدى»، - دەپ اتاپ ءوتتى اتامبايەۆ.
ول سونىمەن بىرگە قىرعىزستاندا پرەزيدەنت سايلاۋى لايىقتى ءارى تازا وتەدى دەدى.
«جوگوركۋ كەنەشكە سايلاۋدان كەيىن بىردە-ءبىر ميتينگ وتكەن جوق. ارينە ازاماتتاردىڭ ءوز داۋىستارىن ساتاتىن فاكتىلەر كەزدەسەدى، ءبىراق جالپى العاندا سايلاۋ بۇرىنعىداي ەمەس»، - دەدى اتامبايەۆ.
ول سونىمەن بىرگە پرەزيدەنت سايلاۋىن 2017-جىلدىڭ قازان ايىندا وتكىزۋىمىز مۇمكىن دەدى.
