قىتايدا ەكى جاسار قىز كىر جۋاتىن ماشينانىڭ ىشىندە قىسىلىپ قالعان
استانا. قازاقپارات - قىتايدا ءورت سوندىرۋشىلەر كىر جۋاتىن ماشينانىڭ ىشىندە قىسىلىپ قالعان ەكى جاسار قىزدى قۇتقاردى.
بۇل تۋرالى CCTV باسىلىمى جازدى. وقىس وقيعا ق ح ر سولتۇستىك باتىسىنداعى ۋچجۋن قالاسىندا ورىن الدى. شاقىرۋ بويىنشا كەلگەن ءورت سوندىرۋشىلەر كىر جۋاتىن ماشينانىڭ ىشىنەن جىلاعان بالانىڭ داۋسىن ەستيدى.
شاماسى، ءبۇلدىرشىن تيەگىش ليۋك ارقىلى كەپتىرگىشكە شىققان دا ىشىندە قالىپ قويعان. ءورت سوندىرۋشىلەر ءارى-بەرى زەرتتەپ، ماشينانى بولشەكتەۋدى، سودان سوڭ كەپتىرگىش باراباندى اعىتىپ الۋعا بەل بۋدى. جيىرما مينۋتتان كەيىن بالانى شىعارىپ الۋدىڭ ءساتى ءتۇستى. قىز ەشقانداي زارداپ شەكپەگەن، دەپ حابارلايدى lenta.ru.
