ق ح ا: نۇرسۇلتان نازاربايەۆ - شىن مانىندە حالىق ىشىنەن شىققان كوشباسشى
بۇل تۋرالى قازاقستان حالقى اسسامبلەياسى كەڭەسىنىڭ 1- جەلتوقسان - ق ر تۇڭعىش پرەزيدەنتى كۇنى مەرەكەسىنە وراي جولداعان قۇتتىقتاۋىندا ايتىلعان.
«سىزدەردى قازاقستان رەسپۋبليكاسى تۇڭعىش پرەزيدەنتىنىڭ كۇنىمەن - ەلباسى كۇنىمەن، قازاقستان حالقى تاريحي تاڭداۋ جاساعان كۇنمەن قۇتتىقتايمىز. بۇل كۇنى ءبىز جاڭا مەملەكەتتىڭ جارقىن بولاشاعى ءۇشىن، قوعامداعى تاتۋلىق پەن بىرلىك ءۇشىن وزىنە اسقان زور جاۋاپكەرشىلىك العان ۇلت كوشباسشىن سايلادىق» دەلىنگەن قۇتتىقتاۋدا.
ق ح ا كەڭەسى، سونداي-اق، تاۋەلسىز قازاقستاندى نىعايتۋ مەن دامىتۋدىڭ 25 جىلى ءارقايسىمىزدىڭ نۇرسۇلتان ءابىش ۇلى نازاربايەۆتىڭ باسشىلىعىمەن ەرەن ەڭبەك ەتۋىمىزدىڭ ارقاسىندا وتانىمىز قول جەتكىزگەن شوقتىقتى جەتىستىكتەر مەن جەڭىستەردىڭ جىلىنا اينالعانىن اتاپ وتكەن.
تاۋەلسىزدىكتىڭ 25 جىلدىعى قازاقستاندىق ۇلى ارمان - ۇلى دالا ەلىن ەڭ وزىق دامىعان وتىز ەلدىڭ تەرەزەسى تەڭ مۇشەسى ەتۋ تۋرالى ارماندى ورىندايتىن بەس پرەزيدەنتتىك رەفورما شەڭبەرىندە مەملەكەت پەن قوعامدى اۋقىمدى مودەرنيزاتسيالاۋ جىلى بولدى.
«ءبىزدىڭ ءارقايسىمىز ءۇشىن تۇڭعىش پرەزيدەنت كۇنى - ەلدەگى تۇراقتىلىق، ەرتەڭگى كۇنگە دەگەن سەنىمدىلىك، قوعامدىق كەلىسىم مەن بىرلىكتىڭ سالتاناتى ءۇشىن مەملەكەت باسشىسىنا بۇكىل حالىقتىق سۇيىسپەنشىلىك پەن قولداۋ، ادامي زور ريزاشىلىق بىلدىرىلەتىن كۇن. تاۋەلسىز قازاقستاننىڭ نەگىزىن قالاۋشى نۇرسۇلتان نازاربايەۆ، شىن مانىندە حالىق ىشىنەن شىققان كوشباسشى رەتىندە ءوزىنىڭ ەرەن ەڭبەگىمەن اسقان پاتريوتتىقتىڭ، ەلىنە ادالدىقتىڭ ۇلگىسىن كورسەتتى، وعان ۇقساۋ - ءار ازامات ءۇشىن زور مارتەبە» دەپ اتاپ وتەدى ق ح ا كەڭەسى.
سونداي-اق، قۇتتىقتاۋدا: «تاۋەلسىزدىكتىڭ 25 جىلدىعى اتاپ وتىلەتىن جىلى ءبىز ەلباسىنىڭ باستاماسىمەن قازاقستان حالقىنىڭ رۋحاني كونستيتۋتسياسى بولىپ تابىلاتىن «ماڭگىلىك ەل» پاتريوتتىق اكتىن قابىلدادىق. ونىڭ نەگىزىندە - بىرلىك، ورتاق مۇددە جانە تاريحي تاعدىر، قاراپايىم دا تۇسىنىكتى قۇندىلىقتار جاتىر، ولار: بولاشاققا دەگەن سەنىمدىلىك، قاۋىپسىزدىك، يگىلىك پەن بالالاردىڭ باقىتى»، دەپ جازىلعان.
«قۇرمەتتى وتانداستار! ءبىز سىزدەرگە مەملەكەت قايراتكەرى، ءوز حالقىنىڭ ادال پەرزەنتى - ەلباسى نۇرسۇلتان ءابىش ۇلى نازاربايەۆ ءوزىنىڭ وراسان زور تالانتى مەن ساياسي ەرىك-جىگەرىن ارناعان تاتۋلىعىمىز بەن بىرلىگىمىز باياندى بولسىن دەپ تىلەيمىز. دەنساۋلىقتارىڭىز زور، تابىستارىڭىز مول بولسىن!» دەپ تۇيىندەلگەن قۇتتىقتاۋ حاتى.
