بيىل استانادا باس شىرشا تاۋەلسىزدىك كۇنىنەن كەيىن جاعىلادى

«بيىل باس شىرشا «حان شاتىر» ويىن- ساۋىق ورتالىعىنىڭ جانىندا ورنالاسادى. شىرشا 18 - جەلتوقسان كۇنى جانادى»، دەپ حابارلادى استانا قالاسى اكىمىنىڭ باسپا ءسوز قىزمەتى.

 جىل سايىن شىرشا 1 - جەلتوقسان كۇنى ەلباسى نۇرسۇلتان نازاربايەۆتىڭ قاتىسۋىمەن جاناتىن. بيىل تاۋەلسىزدىكتىڭ 25 جىلدىعىنا وراي، قالا الدىمەن تاۋەلسىزدىك مەرەكەسىنە دايىندالىپ جاتىر. استانا قالالىق مادەنيەت باسقارماسىنان حابارلاعانداي، ەلوردادا جاڭا جىل مەرەكەسىنە وراي بارلىعى 17 شىرشا ورناتىلىپ، ءتورت مۇز قالاشىعى بوي كوتەرەدى. ءبىر عانا ەسىل اۋدانى مەن ۇركەر، قالاماڭى تۇرعىن القاپتارىندا 10 جاڭاجىلدىق شىرشا ورناتۋ جوسپارلانعان. بيىلعى جاڭاجىلدىق بەزەندىرۋدىڭ باستى نىشانى - تاۋىق قانا ەمەس، ەلىمىزدىڭ باستى وقيعاسى - ەكسپو كورمەسى دە بولادى.

 ايتا كەتەيىك، استانادا اشىق اسپان استىنداعى ەڭ ۇلكەن مۇز ايدىنى «اراي» ساياباعىندا سالىنۋدا. 250 ادامعا ارنالعان مۇز ايدىنىنىڭ جالپى اۋماعى - 5 مىڭ شارشى مەتر.

اۆتور: كەنجەكەي توقتامۇرات قىزى