الەكسەي ني مەن ءۇشىن اكە دە، انا دا، ۇستاز دا، دوس تا بولىپ قالا بەرەدى - زىلتەمىرشى پودوبەدوۆا
سۆەتلانا پودوبەدوۆا Vesti.kz تىلشىسىنە بەرگەن سۇحباتىندا ۇستازىنىڭ اۋىر اتلەتيكادا باس باپكەر قىزمەتىن ءالى دە بولسا جالعاستىراتىنىنا سەنىمىن ءبىلدىردى. سونداي-اق، قازاقستاندىق اۋىر اتلەت ونىڭ كوماندادا جەتكەن جەتىستىكتەرىن اتاپ ءوتتى. سپورتشىنىڭ ايتۋىنشا، الەكسەي ني ول ءۇشىن اكە دە، انا دا، ۇستاز دا، دوس تا بولىپ قالا بەرمەك.
«الەكسەي گەنناديەۆيچتىڭ قازاقستانداعى اۋىر اتلەتيكادا ماڭىزدى ورىن الاتىنى ءسوزسىز. الەكسەي نيدىڭ باس باپكەر قىزمەتىنەن كەتۋى ونىڭ جالپى اۋىر اتلەتيكادان كەتەتىنىن بىلدىرمەيدى دەپ سەنەمىن. ءبىزدىڭ سپورت وسىنداي مامانداردىڭ ارقاسىندا دامىپ جاتىر. مەن ونىڭ وتستاۆكاعا كەتۋ تۋرالى شەشىمىنە باعا بەرەيىن دەپ وتىرعان جوقپىن. تەك ءبىر جايتتى ايتقىم كەلەدى - ول مەن ءۇشىن اۋىر اتلەتيكاداعى ۇزدىك مامان بولىپ قالا بەرەدى. كەز كەلگەن سپورتشى باپكەرىنىڭ ارقاسىندا جەڭىسكە جەتىپ وتىرادى عوي. اۋىر اتلەتيكا قيىنداۋ. سەبەبى سپورتشى شىعىپ، بەلگىلى ءبىر سالماقتى كوتەرەدى. ال باپكەرى بولسا، ونى تەك قولدايدى، جەڭىسكە جەتۋىنە تىلەكتەس بولادى»، - دەدى سۆەتلانا پودوبەدوۆا.
سونداي- اق، ول الەكسەي نيدىڭ ءبىرىنشى كۇننەن-اق ونىڭ ۇستازى بولعانىن ايتتى. «سەن ءوز ەلىڭنىڭ اتىنان ونەر كورسەتكەندە، بارلىق بوس ۋاقىتىڭدى سپورتقا ارنايسىڭ. زىلتەمىر سپورتشىنىڭ تۋىستارى مەن دوستارىنىڭ ورنىن باسادى. كۇندە كورىپ جۇرەتىن ادامدارىڭ - سەنىڭ كومانداڭ مەن باپكەرىڭ. باپكەر سەنىڭ اكەڭ دە، اناڭ دا، ۇستازىڭ دا، دوسىڭ دا بولادى. الەكسەي گەنناديەۆيچ تە مەن ءۇشىن وسىنداي ادام بولىپ قالا بەرمەك»، - دەدى سپورتشى.
ەسكە سالايىق، باپكەر بۇل قىزمەتكە 1994 -جىلى كەلگەن ەدى. ول باپكەر بوپ تۇرعاندا التى وليمپياداعا جانە 15 الەم چەمپيوناتىنا قاتىستى، سونداي-اق ازيا ويىندارى مەن ازيا چەمپيوناتتارى بار.
25 -قاراشادا الەكسەي ني اۋىر اتلەتيكادان قازاقستان قۇراماسىنىڭ باس باپكەرى قىزمەتىنەن كەتكەن بولاتىن.
