كولۋمبياداعى ۇشاق اپاتىنىڭ سەبەبى بەلگىلى بولدى
استانا. قازاقپارات - كولۋمبيادا 72 جولاۋشى مىنگەن ۇشاق قۇلادى، ونىڭ ىشىندە برازيليالىق "شاپەكوەنسە" فۋتبول كلۋبىنىڭ ويىنشىلارى بولعان.
سوڭعى دەرەكتەر بويىنشا، 15 ادام قۇتقارىلدى، دەپ حابارلايدى ر ي ا نوۆوستي. جولاۋشىلاردان بولەك لاينەر پورتىندا 9 ەكيپاج مۇشەسى بولعان. لا-سەحا قالاسىنىڭ مەرى ەلكين وسپينا فرانس- پرەسس اگەنتتىگىنە بەرگەن سۇحباتىندا ۇشاقتىڭ جانارمايى جەتپەي قالىپ، مەدەلين ماڭىنا قۇلاعانىن حابارلادى.
قۇتقارۋشىلاردىڭ حابارلاۋىنشا، اپاتقا ۇشىراعان لاينەردەن ەڭ كەمى 13 ادام امان-ەسەن شىقتى. زارداپ شەككەندەر اراسىندا "شاپەكوەنسەنىڭ" ءتورت فۋتبولشىسى بار، ونىڭ اراسىندا قورعاۋشى الان رۋشەل مەن قاقپاشى ماركوس دانيلو بار. ويىنشىلار اۋرۋحاناعا جەتكىزىلدى. فۋتبولشىلار كولۋمبيانىڭ مەدەلين قالاسىنا "اتلەتيكو ناسونال" كلۋبىنا قارسى وڭتۇستىك امەريكا كۋبوگىنىڭ اقتىق ماتچىنا قاتىسۋ ءۇشىن بارا جاتقان.
