الماتى وبلىسىندا اناسى مەن بالاسى ءۇسىپ ءولدى
تالدىقورعان. قازاقپارات - الماتى وبلىسىنىڭ جامبىل اۋدانىندا قايعىلى جاعداي ورىن الدى، دەپ حابارلايدى «قازاقپارات» ح ا ا ءتىلشىسى.
اناسى مەن 3 جاستاعى ۇلى ءۇسىپ ولگەن. 6 جاستاعى قىزى امان قالدى. الايدا، اياق- قولىن ۇسىك شالعان. قازىرگى تاڭدا جامبىل اۋداندىق اۋرۋحاناسىندا جاتىر. قازىر ق ر ق ك 119-بابى بويىنشا ءىس قوزعالدى. الدىن الا مالىمەتكە سايكەس، وقيعا جامبىل اۋدانىنداعى «اسۋباي» شارۋا قوجالىعىندا بولعان. قايتىس بولعان ايەل ادام وسى قوجالىقتا جۇمىس ىستەگەن. قىستاقتان ەكىنشى قىستاققا كوشۋ بارىسىندا كولىكتەرى بۇزىلىپ، جولدا قالعان. ارتىنشا ايەل ادام ەكى بالاسىمەن جولعا جاياۋ شىققان. قاتتى بوراننىڭ سالدارىنان ولار اداسىپ، دالادا قاتىپ قالعان. ەكى بالاسىن قۇشاعىنا العان ايەل مەن 3 جاستاعى بالاسى كوز جۇمدى. قازىر تەرگەۋ جۇمىستارى ءجۇرىپ جاتىر.
اۆتور: سامال قابىشيەۆا
