پاۆلوداردا كىشكەنتاي قىزىن اياۋسىز ۇرعان ايەل سوتتان تىزەرلەپ كەشىرىم سۇرادى

ايەل سوتتى جاقسى انا ەكەنىنە سەندىرمەك بولدى، دەپ حابارلايدى Baq.kz.

«مەن ءوز بالالارىمدى ەشقاشان رەنجىتكەن ەمەسپىن. كىنالى ەكەنىمدى بىلەمىن. ءبىر رەت قانا قول جۇمساپ ەدىم. ەندى ەشقاشان بالالارىمدى ۇرمايمىن. بالالارىمدى تارتىپ السا، ءومىر سۇرگىم كەلمەيدى!»، - دەدى ول.

ايەلدىڭ ءوزى تۇسىرگەن بەينەجازبانى قايتا كورگەننەن كەيىن سوت پروتسەسىن توقتاتا تۇرۋعا تۋرا كەلدى. نۇرگۇل دوكۋوۆا ەڭىرەپ جىلاپ، ايقايلاپ، زالدى باسىنا كوتەردى.

قىزدىڭ اكەسىنىڭ قورعاۋشىسى گۇلباقىت بيجانوۆا 2014 -جىلى ايلين ەكى رەت وبلىستىق بالالار اۋرۋحاناسىنا تۇسكەنىن حابارلادى. 10 -ماۋسىمدا تراۆماتولوگ دارىگەر بالانى رەنتگەنگە ءتۇسىرىپ، سول جاق يىق سۇيەگى زاقىمدانعانىن انىقتاعان.

ءتورت كۇننەن كەيىن ايلين وبلىستىق اۋرۋحاناعا قايتا تۇسەدى. دەگەنمەن مەملەكەتتىك ايىپتاۋشى بۇل مالىمەتكە كۇدىك كەلتىرىپ، ونى انىقتاۋ قاجەت ەكەنىن ايتتى.

سوتتا نۇرگۇل دوكۋوۆا بىرگە تۇرعان جىگىتى ەرمۇرات ىشكىلىككە سالىنىپ كەتكەنىن العا تارتتى. ال داۋعا بالالاردىڭ اجەسى بالاباقشا مەن مەكتەپكە بارعانى سەبەپ بولىپتى.

ەسكە سالايىق، پاۆلودار قالاسىنىڭ تۇرعىنى تۋعان قىزىن اياۋسىز ۇرىپ جاتقانى تۇسىرىلگەن ۆيدەو الەۋمەتتىك جەلىگە تارالىپ كەتكەن بولاتىن. وبلىستىق ءى ءى د اتالمىش دەرەككە بايلانىستى ق ر ق ك- ءنىڭ 140-بابى، 2- ءبولىمى (بالالارعا اياۋسىزدىق تانىتۋ) بويىنشا سوتقا دەيىنگى تەرگەۋ امالدارىن جۇرگىزدى.

قىلمىستىق كودەكستىڭ اتالمىش بابى نەگىزىندە انانىڭ كىناسى راستالعان جاعدايدا، 300 ا ە ك كولەمىندە ايىپپۇل سالۋ نەمەسە 75 تاۋلىككە باس بوستاندىعىنان ايىرۋ جازاسى قاراستىرىلادى.

ءوز بالاسىن ۇرىپ- سوعىپ، ۆيدەوعا تۇسىرگەن قاتىگەز اناعا قاتىستى ءىس قوزعالعانى بەلگىلى. ءبۇلدىرشىندى اناسىنىڭ اياۋسىز ۇرىپ- سوعۋى تۋرالى ۆيدەو Instagram الەۋمەتتىك جەلىسىندە جاريا بولعان ەدى. كادرلاردان ايەلدىڭ ءبۇلدىرشىندى ۆيدەوعا تۇسىرە وتىرىپ، بەتىنەن، باسىنان ۇرعانىن كورۋگە بولادى. كەيىن تاماعىنان قىسىپ، جىلاپ جاتقان بالانىڭ ءۇنىن وشىرگىسى كەلەدى. ايەل مۇنىسىمەن دە توقتاماي، ءبۇلدىرشىندى ۇرعىلاي بەرەدى. كادر سىرتىندا "انا، توقتات!" دەگەن تاعى ءبىر قىزدىڭ داۋسى ەستىلەدى. قىز شەشەسىن توقتاتپاق بولدى، ءبىراق اناسى ونىڭ سوزىنە قۇلاق اسپايدى.

كەيىن پاۆلوداردا قىزدى ۇرىپ-سوققان ۆيدەونى تاراتۋشى وقيعانىڭ ءمان-جايىن ايتىپ بەرگەن ەدى.