شياڭگاڭدا «جۇلدىزدار توعىسقاندا» فيلمى كورسەتىلدى

بەيجىڭ- شياڭگاڭ. قازاقپارات - ق ر باس كونسۋلدىعى ق ح ر شياڭگاڭ ارنايى اكىمشىلىك ايماعىندا (س ا ءا ا، شياڭگاڭ) قازاقستان پرەزيدەنتى نۇرسۇلتان نازاربايەۆتىڭ ءومىرى تۋرالى «جۇلدىزدار توعىسقاندا» كوركەم فيلمىن كورسەتۋدى ۇيىمداستىردى، دەپ حابارلايدى قىتايداعى قازاقپارات مەنشىكتى ءتىلشىسى سادىق اكيجانوۆ.

ءىس-شارا تۇڭعىش پرەزيدەنت كۇنى جانە ەل تاۋەلسىزدىگىنىڭ 25 جىلدىعىنا وراي شياڭگاڭ پوليتەحنيكالىق ۋنيۆەرسيتەتىندە قازاقستاندىق ستۋدەنتتەردىڭ قاتىسۋىمەن ۇيىمداستىرىلدى.

ەلباسىنىڭ ءومىرى مەن قىزمەتى جانە تاۋەلسىزدىكتىڭ قالىپتاسۋ جىلدارى تۋرالى فيلم شياڭگاڭدا ءبىلىم الىپ جاتقان جاستارعا قىزىقتى بولدى. شياڭگاڭ پوليتەحنيكالىق ۋنيۆەرسيتەتى بيزنەس فاكۋلتەتىنىڭ 2- كۋرس ستۋدەنتى جاندوس ساعىنتاي فيلمنەن العان اسەرى تۋرالى قازاقپارات تىلشىسىمەن ءبولىستى.

«نازاربايەۆ زياتكەرلىك مەكتەبىنىڭ تۇلەگى رەتىندە بۇگىنگى كورسەتىلىم مەن ءۇشىن ەرەكشە بولدى. ەلباسىنىڭ ومىرلىك جولى مەن ءۇشىن جانە مەنىڭ دوستارىم ءۇشىن ۇلگى تۇتارلىق. بۇگىن مەن ەلىمىزدىك تاريحى مەن ونداعى پرەزيدەنتتىڭ ءرولى تۋرالى كوپ جايتتاردى ءبىلدىم»، - دەدى ول.

كورسەتىلىمنەن كەيىن وعان قاتىسۋشىلارعا باس كونسۋلدىق ۇجىمى ازىرلەگەن ۇلتتىق تاعامداردان ءدام تاتقىزىلدى. باس كونسۋلدىق مالىمەتىندە قازىرگى ۋاقىتتا گونكونگتا 70 تەن استام قازاقستاندىق ستۋدەنت ءبىلىم الۋدا، ولاردىڭ 48 ءى شياڭگاڭ پوليتەحنيكالىق ۋنيۆەرسيتەتىندە نازاربايەۆ زياتكەرلىك مەكتەبىنىڭ دارىندى تۇلەكتەرى ءۇشىن ۋنيۆەرسيتەت بولگەن ءبىلىم گرانتتارىمەن وقۋدا.