ارالاس جەكپە-جەكتەن الەم چەمپيوناتىندا قازاقستان كۇمىس ەنشىلەدى
اقتىق سىندا ەكى قازاقستاندىق سپورتشى رەسەيلىك قارسىلاستارىمەن كەزدەستى. 77,1 كەلىگە دەيىنگى ورتاشا سالماقتا گويتي دازايەۆ اليبەگ راسۋلوۆقا ەسە جىبەرىپ بىرىنشىلىكتىڭ كۇمىس جۇلدەگەرى اتاندى.
ال، اۋىر سالماقتاعى ءالىمجان سۇلەيمەنوۆ حالىقارالىق ارەنادا العاش رەت باق سىناپ وتىر. سوعان قاراماستان بارلىق قارسىلاستارىنا ەسە بەرمەي كەلە جاتقان ول تەك سوڭعى كەزدەسۋدە اميرحان يساگادجيەۆكە تەحنيكالىق نوكاۋتپەن ۇتىلدى.
قازاقستان جالپى كوماندالىق ەسەپتە، رەسەي قۇراماسىنا عانا جول بەرىپ، ەكىنشى ورىنعا جايعاستى. ال رەسەيلىكتەر جەتى سالماق دارەجەسىندەگى التىنداردىڭ بارلىعىنا يە بولدى. بىرىنشىلىك قورىتىندىسى بويىنشا قازاقستان قورجىنىندا: 2 كۇمىس بار - گويتي دازايەۆ (77,1)، ءالىمجان سۇلەيمانوۆ (93+ كەلى) جانە 4 قولا مەدالعا قول جەتكىزىلدى - ميرات بەكىشيەۆ (61,2 كەلى)، التىنبەك باقتىگەلدينوۆ (70,3 كەلى)، مۋراد ابدۋراحمانوۆ (84 كەلى) جانە ەركىنبەك ءىنجىل (93 كەلى).
قازاقستان م م ا فەدەراتسياسىنىڭ حابارلاۋىنشا، بۇل جولعى سايىسقا ەل نامىسىن قورعاۋعا تولىق قايتا جاساقتالعان قۇراما اتتانعان. فەدەراتسيا باسشىلىعى جاس ءارى بولاشاعى بار سپورتشىلاردىڭ وسۋىنە جانە الەمدىك سپورت ارەنالارىنا شىعىپ تاجىريبە جيناۋى ءۇشىن وسىنداي قادامعا بارىپ وتىر.
