سەمەيدە ەرتىس وزەنى ارناسىنان شىعۋى مۇمكىن

استانا. قازاقپارات - سەمەيدە مۇز كەپتەلىسىنىڭ سالدارىنان ەرتىس وزەنى ارناسىنان شىعىپ، تۇرعىن ۇيلەرگە قاۋىپ ءتوندىرۋى مۇمكىن. شىعىس قازاقستان وبىلىسى توتەنشە جاعدايلار دەپارتامەنتى وسىنداي ەسكەرتۋ جاريالاپ وتىر.

 وسىعان بايلانىستى قالالىق توتەنشە جاعدايلار باسقارماسىنان قۇرالعان 2 توپ تۇرعىندارعا ساقتىق شارالارىن ەسكەرتۋدە.

 تۇيەمويناق ارالىنا اپاراتىن جولعا جول- پاترۋلدىك پوليتسياسىنىڭ پوستى قويىلدى. پوليتسەيلەر ارالدا تۇرمايتىن حالىقتى ول جاققا جىبەرمەيدى. سۋ دەڭگەيى باقىلانىپ وتىر. تۇستە ول 433 سانتيمەتردى كورسەتكەن، شەكتى كورسەتكىش -  450 سانتيمەتر. ش ق و  ت ج د جانىنان ارنايى جەدەل شتاب قۇرىلىپ، جاعداي قاتاڭ باقىلاۋعا الىنىپ وتىر. بۇل تۋرالى وبلىستىق ت ج د باسپا ءسوز قىزمەتى حابارلاپ وتىر.

 اۆتورى: بولات كوكەناي ۇلى