استانالىقتار رەسەيلىك روبوتقا الدانىپ ءجۇر

سونىڭ اياسىندا وزىق تەحنولوگيالارعا ارنالعان جوبالاردىڭ كورمەسى ءوتىپ جاتىر. ونىڭ ىشىندە ەكسپو-2017 كورمەسىندە تانىستىرىلاتىن جوبالار دا بار، دەپ حابارلايدى قازاقپارات ءتىلشىسى.

 الايدا فورۋمعا كەلگەندەردىڭ كوبىسى قوناقتاردى كۇتىپ الىپ جۇرگەن روبوتتارعا قىزىعىپ ءجۇر. ولار ورىس تىلىندە سويلەپ، كەز كەلگەن سۇراققا جاۋاپ بەرە الادى. روبوتتارمەن سويلەسكەندە كادىمگىدەي اداممەن تىلدەسكەندەي بولاسىن. دەگەنمەن، شىن مانىندە ول روبوتتار وزىق ءبىر ونەرتابىس ەمەس بولىپ شىقتى. ونىڭ ىشىندە بەينەكامەرا، دىبىس قابىلداۋ مەن سويلەۋ قۇرىلعىسىنان باسقا ەشتەڭە جوق. ءاربىر روبوتتى ستەندتىڭ ارعى جاعىندا تىعىلىپ وتىرعان ماماندار باسقارادى. ولار ادامداردىڭ قويعان سۇراقتارىنا بىردەن جاۋاپ جازىپ، كوماندا بەرىپ وتىرادى. ءسويتىپ، ءاربىر روبوتتى سويلەتەدى. فورۋمعا كەلگەندەرىڭ كوبىسى ونى بىلمەي، دالىزدە جۇرگەن روبوتتاردى وزىق تەحنولوگيالار دەپ ويلاپ ءجۇر. استاناداعى فورۋمدا جۇرگەن روبوتتار رەسەيدىڭ «روبوتتار كورپوراتسياسى» كومپانياسىنا تيەسىلى جانە ەڭ قاراپايىم نۇسقاداعى روبوتتارعا جاتادى.

 شارا ۇيىمداستىرۋشىسى - تەحنولوگيالىق دامۋ جونىندەگى اگەنتتىك ەكى روبوتتى دا جالعا الىپ وتىر. رەسەيدەن كەلگەن ماماندار قىزمەت كورسەتۋ سوماسىن اشپاسا دا، ماسكەۋدە قاراپايىم نۇسقاداعى روبوتتاردىڭ "ستاۆكاسى"  000 100رۋبل (500000 مىڭ تەڭگە - قازىرگى كۋرسپەن) ەكەنىن ايتتى. تەحنولوگيالىق دامۋ جونىندەگى اگەنتتىكتىڭ باسپا ءسوز قىزمەتى بولسا، ونداي روبوتتار بىزدە دە بار ەكەنىن جەتكىزدى. الايدا "نەگە وزىمىزدە جاسالعان روبوتتاردى المادىڭىز؟ " دەگەن سۇراققا تۇشىمدى جاۋاپ بەرە المادى.

 اۆتور: ارمان اسقاروۆ