قانات يسلام «نۇرلى كوش» اۋىلىندا قانداستارمەن كەزدەستى
اۋىلداعى اتقامىنەر ازاماتتاردىڭ ارنايى شاقىرۋىمەن «نۇرلى كوش» اۋىلىنا كەلگەن قانات يسلام، اۋىلدىق ورتا مەكتەپتە جانكۇيەرلەرمەن جۇزدەسىپ، سۇراقتارىنا جاۋاپ بەردى.
قانداستار باتىر ۇلدارىنا ارناپ اق سارباس قوي سويدى، شاپان جاۋىپ، ات مىنگىزدى.
قانات يسلام ءوزى سەكىلدى بوكسشى بولۋدى ارماندايتىن جاستارعا اقىل- كەڭەسىن ايتىپ، مەكتەپ وقۋشىلارىنا ءوز قولتاڭباسى جازىلعان سپورتتىق قۇرال- جابدىقتاردى سىيعا تارتتى.
«قانات يسلامدى حالىق جاقسى كورەدى. ويتكەنى ول سپورتشى عانا ەمەس، جۇرەگى قازاق دەپ سوققان نامىسى بيىك، وتانشىل ازامات. بۇگىنگى جاس ۇرپاق قاناتقا ەلىكتەگىسى كەلەدى. اۋىلداعى قارا دومالاق بالالار وسىنداي اعالارىنان ۇلگى السىن، اڭگىمەسىن ءوز اۋزىنان ەستىسىن دەگەن نيەتپەن اۋلىمىزعان ارنايى شاقىردىق. ۇرپاقتارىمىز قانات يسلام سەكىلدى بىلەگىنە جۇرەگى ساي بولىپ وسسە، ارمانىمىز جوق» ، - دەيدى وسى كەزدەسۋدى ۇيىمداستىرۋشى ازاماتتاردىڭ ءبىرى داۋلەت ياقيا ۇلى.
اۆتور: ريزابەك نۇسىپبەك ۇلى
