قورعاۋشىلار يليا يليننىڭ اتاعى مەن مەدالى ءۇشىن كۇرەسىپ جاتىر
«ءبىر توپ قورعاۋشى سپورتشىنى بىلىكتىلىگىنەن ايىرۋ مەرزىمىن جەڭىلدەتۋ ءۇشىن شارا قولدانادى. سپورتشىنى بىلىكتىلىگىنەن ايىرۋ تۋرالى مەرزىم قانداي بولاتىنىن جۋىق ارادا حالىقارالىق اۋىر اتلەتيكا فەدەراتسياسى جاريا ەتەتىن بولادى»، - دەپ حابارلادى ق ر اۋىر اتلەتيكا فەدەراتسياسىنىڭ باسپا ءسوز قىزمەتىنەن.
وسى فەدەراتسيانىڭ باستاماسىمەن قۇرىلعان ادۆوكاتتار توبى مەن زەرتحانا ساراپتامالارى سالاسىنداعى ماماندار بىرنەشە ايدان بەرى يليا يليننىڭ ساراپتاماسىن زەرتتەپ كەلەدى.
ەستەرىڭىزگە سالا كەتەيىك، بۇگىن قازاقستان رەسپۋبليكاسىنىڭ ۇلتتىق وليمپيادالىق كوميتەتى حالىقارالىق وليمپيادالىق كوميتەتى تاراپىنان اعزاسىنان تىيىم سالىنعان پرەپاراتتاردىڭ ءىزى تابىلعان 2008 جانە 2012-جىلدارداعى وليمپيادا ويىندارىنا قاتىسقان قازاقستاندىق سپورتشى يليا يلينگە قاتىستى جازا قولدانىلعاندىعى تۋرالى رەسمي حابارلاما الدى.
حالىقارالىق وليمپيادالىق كوميتەتىنىڭ تارتىپتىك كوميسسياسى 2008-جىلى بەيجىڭدە جانە 2012-جىلى لوندوندا وتكەن وليمپيادا ويىندارىنىڭ جەڭىمپازى، 94 كەلى سالماق دارەجەسىندە ونەر كورسەتكەن قازاقستاندىق اۋىر اتلەت يليا يليننىڭ «ا» جانە «ب» دوپينگ سىنامالارىنىڭ قوسىمشا تەكسەرۋ قورىتىندىسى بويىنشا قازاقستاندىق سپورتشىنى سول ويىنداردان شەتتەتىپ، كورسەتكەن ناتيجەلەرىنىڭ كۇشىن جويىپ، جۇلدەلەرىن قايتارىپ الۋ تۋرالى شەشىم شىعاردى.
اۆتور: كەنجەكەي توقتامۇرات قىزى
