ەلورداعا ەلباسىنىڭ ەسىمىن بەرۋ ءادىل ۇسىنىس - بەكبولات تىلەۋحان
«جالپى بۇل ءبىرىنشى رەت ۇسىنىلىپ وتىرعان جوق. وسى ماسەلەنى كەزىندە پارلامەنت دەپۋتاتى ءسات توقپاقبايەۆتىڭ (2008 -جىلى ەلباسىنىڭ اتىمەن اتاۋدى ۇسىنعان - اۆت.) تاراپىنان كوتەرىلگەن بولاتىن. شيرەك عاسىرلىق مەرەكەنىڭ قارساڭىندا بۇل باستامانى جەكە ءوز باسىم قولدايمىن. نەگە دەسەڭىز، بۇل تاريحتا بار جاعداي. مەملەكەتتى قۇرعان ادامنىڭ ەسىمىمەن قالانى اتاۋ تاجىريبەسى بار. ماسەلەن، ۆاشينگتون قالاسى بارشاعا ءمالىم. نۇرسۇلتان اتىنداعى قالانىڭ بولعانى تاۋەلسىزدىكتىڭ سيمۆولى ىسپەتتەس. تاۋەلسىز قازاقستان مەن نازاربايەۆتىڭ اتى سينونيمدەر سياقتى. مەنى جاعىندى نەمەسە باسقا دەپ تۇسىنسەڭىزدەر، وزدەرىڭىز بىلىڭىزدەر، ءبىراق تاريحي كوزقاراسپەن جانە ەگەمەندى ەلدىڭ ازاماتى رەتىندە، مۇنى وتە ءبىر ءادىل ۇسىنىس دەپ ويلايمىن»، - دەدى دەپۋتات.
بۇدان بۇرىن حابارلانعانداي، بۇگىن ق ر پارلامەنتى پالاتالارىنىڭ بىرلەسكەن وتىرىسىندا «تاۋەلسىزدىكتىڭ 25 جىلدىعى قازاقستان جەتىستىكتەرىنىڭ دەكلاراتسياسى» قابىلدانىپ، وندا ەلباسىنىڭ ەسىمىن ەلوردانىڭ جانە ەلىمىزدىڭ باسقا دا نىساندارىندا كورسەتۋ ۇسىنىلعان ەدى.
اۆتور: رۋسلان عابباسوۆ
