ابزال اجىعاليەۆ الەم رەيتينگىندە كوش باستادى
وسىدان ءبىراز كۇن بۇرىن امەريكانىڭ سولت-لەيك-سيتي قالاسىندا شورت-ترەك سپورتىنان الەم كۋبوگىنىڭ ەكىنشى كەزەڭى مارەسىنە جەتتى.
ءبىرىنشى كەزەڭنىڭ قورىتىندىسى بويىنشا 500 مەتر قاشىقتىقتا باس جۇلدەنى جەڭىپ العان جەرلەسىمىز ەكىنشى كەزەڭدە دە فينالعا دەيىن سۇرىنبەي جەتكەن بولاتىن. وسى ەكى كەزەڭنىڭ قورىتىندىسى بويىنشا ول الەم رەيتينگىندە كوش باستادى.
ايتا كەتەيىك، ابزال اجىعاليەۆ باتىس قازاقستاننىڭ سىرىم اۋدانىندا دۇنيەگە كەلگەن. ورالدا جابىق مۇز ايدىنى سارايى اشىلعاننان كەيىن شورت-ترەكتەن قازاقستاننىڭ ەڭبەك سىڭىرگەن جاتتىقتىرۋشىسى ءمادىعالي قارسىبەكوۆ دايىنداعان تالانتتى سپورتشىلاردىڭ ءبىرى.
ا. اجىعاليەۆ سوچي وليمپياداسىندا نەگىزىن باتىس قازاقستاندىقتار قۇراعان ق ر قۇراماسى ساپىندا 5 مىڭ مەترلىك ەستافەتالىق سىندا بەسىنشى ورىندى يەلەندى. ەندى ول - الماتى قالاسىندا الداعى جىلى وتەتىن قىسقى ۋنيۆەرسياداعا قاتىسۋعا باستى ۇمىتكەرلەردىڭ ءبىرى.
اۆتور: كۇنسۇلتان وتارباي
